سەرەکی
کوردستان
عێراق
جیهان
ڕاپۆرت و چاوپێکەوتن
بیروڕا
ئابوری
کۆمەڵایەتی
وەرزش
هەمەڕنگ
تەندروستی
کلتور
گەلەری
ڤیدیۆ
دواین هەواڵ
جیهان
07/06/2021
ماكێنزی: بونی ئه‌مه‌ریكا له عێراق، بۆ به‌رپه‌چدانه‌وه‌ی ره‌فتاره‌كانی ئێرانه
هه‌رێم نیوز
ژەنەراڵ ماكێنزی، فه‌رمانده‌ی فه‌رمانده‌یی ناوه‌ندی ئه‌مه‌ریكا رایده‌گه‌یه‌نێت، بونی ئه‌مه‌ریكا له عێراق، بۆ به‌رپه‌چدانه‌وه‌ی ره‌فتاره‌كانی ئێرانه.
ماكێنزی نیگه‌رانی خۆی له په‌نابردنی گروپه چه‌كداره‌كانی عێراق بۆ فڕۆكه‌ی بێ فڕۆكه‌وان له هێرشه‌كانیان بۆ سه‌ر بنكه سه‌ربازییه‌كان ده‌ربڕی و ئاماژه‌ی به‌وه‌شداوه، كه ئێران هێشتا دیارترین هه‌ڕه‌شه‌یه له‌سه‌ر سه‌قامگیری خۆرهه‌ڵاتی ناوه‌ڕاست.
ئەمڕۆ له لێدوانێكی ته‌له‌فونیدا ماكێنزی به رۆژنامه‌نوسانی راگه‌یاندوه، هێزه ئه‌مه‌ریكییه‌كان له‌سه‌ر بانگهیشتی حكومه‌تی عێراق له عێراقدان.
ئه‌وه‌شی وتوه، كه "ئامانجی بونی ئه‌مه‌ریكا له ناوچه‌كه بۆ به‌رپه‌چدانه‌وه‌ی ره‌فتاره‌كانی ئێران و رێگریكردنه له په‌لهاویشتنی چالاكیه چه‌په‌ڵه‌كانی".
دوێنێ 6-62021 لیژنەی باڵای ته‌كنیكی سەربازی عێراق یه‌كه‌م كۆبونه‌وه‌ی خۆی له‌گه‌ڵ هاوتا ئه‌مه‌ریكییه‌كه‌ی له به‌غدا له چوارچێوه‌ی ده‌رهاویشته‌كانی دیالۆگی ستراتیژی ئه‌نجامدا.
فه‌رمانده‌ی ئۆپه‌راسیۆنه هاوبه‌شه‌كانی عێراق رایگه‌یاند، كه ده‌رهاویشته‌كانی دیالۆگی ستراتیژی له‌میانی دانیشتن و گفتوگۆگاكانی داهاتو كه له به‌غدا یاخود له واشنتن به‌ڕێوه‌ده‌چێت له مانگه‌كانی ته‌موز و ئابی ئه‌مساڵداو تاوتوێی ئه‌و میكانیزم و كاته دیاریكراوانه له خۆده‌گرێت سه‌باره‌ت به سه‌رله‌نوێ بڵاوكردنه‌وه‌ی هێزی شه‌ڕكه‌ری هاوپه‌یمانی نێوده‌وڵه‌تی له ده‌ره‌وه‌ی عێراق.
به‌پێی به‌یاننامه‌كه‌ی فه‌رمانده‌یی ئۆپه‌راسیۆنه هاوبه‌شه‌كان، له دانیشتنه‌كه‌ی رۆژی یه‌كشه‌ممه ئه‌مه‌ریكا رێزی خۆی بۆ سه‌روه‌ری خاكی عێراق دوپاتكردوه‌ته‌وه.
گه‌ڕی سێیه‌می گفتوگۆكانی عێراق-ئه‌مه‌ریكا له 7-4-2021 بەڕێوه‌چو، له 8-4-2021 قاسم ئەعرەجی، راوێژكاری ئاسایشی نه‌ته‌وه‌یی عێراق رایگه‌یاند، له دیالۆگی ستراتیژی ئه‌مه‌ریكاو عێراق، لایه‌نی ئه‌مه‌ریكی به‌ڵێنیداوه به‌شێكی گرنگی هێزه‌كانی له عێراق بكشێنێته‌وه‌و رێكه‌وتن له‌سه‌ر ئه‌وه كراوه بنكه‌ی سه‌ربازی بێگانه له عێراقدا نه‌مێنێت.
هاوكات ئاشكراشیكرد، كه له دیالۆگه‌كه‌دا، عێراق به‌ڵێنیدا "پارێزگاری له كادیره بیانییه‌كان بكات و هه‌ردولا له‌سه‌ر ئه‌وه‌ش رێكه‌وتون بنكه‌ی سه‌ربازی بێگانه له عێراقدا نه‌مێنێت."
شیعه‌كان و ئێران چاویان له‌سه‌ر ئه‌وه‌یه عێراق داوا له ئه‌مه‌ریكا هێزه‌كانی بكشێنێته‌وه، به‌پێچه‌وانه‌وه ئه‌گه‌ر ئه‌و كاره نه‌كرێت، هه‌ڕه‌شه‌ی هێرشی رێكخراو و روبه‌ڕوبونه‌وه‌ی ئه‌و هێزانه ده‌كه‌ن.
له 3ی كانونی دوه‌می 2020، كاتێك قاسمی سلێمانی و ئه‌بو مه‌هدی موهه‌ندیس له‌لایه‌ن ئه‌مه‌ریكاوه كوژران، هادی عامری، سه‌رۆكی /هاوپه‌یمانی فه‌تح/ له پرسه‌كه‌یاندا به‌ڵێنیدا له په‌رله‌مان كار بۆ پرۆژه بڕیارێك بكات هێزه بێگانه‌كان ناچار بكات به چونه ده‌ره‌وه له عێراق، بۆئه‌و مه‌به‌سته دو رۆژ دواتر به‌بێ ئاماده‌بونی كوردو سوننه، كوتله شیعه‌كان بڕیارێكیان له پێنج خاڵدا ده‌ركرد بۆچونه ده‌ره‌وه‌ی هێزه‌كانی بێگانه كه مه‌به‌ست لێی ئه‌مه‌ریكا بو.
به‌رپرسانی ئێران بونی هێزه‌كانی ئه‌مه‌ریكا له عێراق به مه‌ترسییه‌كی راسته‌وخۆ ده‌زانن له‌سه‌ر به‌رژه‌وه‌ندییه‌كانیان له عێراقدا، له‌و پێناوه‌شدا به‌رده‌وام له رێگه‌ی گروپه چه‌كداره‌كانی سه‌ربه‌خۆیان كه ئه‌مه‌ریكا ناوی /بریكار/ی لێناون و له عێراقیشدا به وه‌لائییه‌كان ناسراون، هێزه‌كانی ئه‌مه‌ریكاو باڵیۆزخانه‌ی ئه‌مه‌ریكا له به‌غدا ده‌كه‌نه به ئامانج.
هەواڵی پەیوەندیدار
7 کاتژمێر پێش ئێستا
وادەی کۆتای هاتنی جەنگی غەززە ئاشکرا کرا
20 کاتژمێر پێش ئێستا
عەباس عراقچی: دەست لە پیتاندنی یۆرانیۆم هەڵناگرین
2 رۆژ پێش ئێستا
ئەردۆغان: سەری هێرشبەر پان دەکەینەوە
هەواڵی زیاتر
17 کاتژمێر پێش ئێستا
بابەکر زێباری: یەکخستنی ھێزی پێشمەرگە لە قۆناغی کۆتاییدایە
3 رۆژ پێش ئێستا
ناتانیاهۆ بۆ ترەمپ: ڕۆژهەڵاتی ناوەڕاست مەزن دەکەینەوە
4 رۆژ پێش ئێستا
ماڵپەرێکی ئەمریكی؛ نوێنەری ترەمپ لەگەڵ مەزڵوم عەبدی و مەسرور بارزانی کۆدەبێتەوە
زۆرترین بینراو
1
5 رۆژ پێش ئێستا
شەڕی سیخوری ، مەترسیدارترین بابەتی ململانێی تەلئەڤیڤ و تارانە!
2
20 کاتژمێر پێش ئێستا
رۆژنامەیەک؛ بەغدادو هەولێر گەیشتونەتە رێككةوتنی سەرەتایی
3
7 رۆژ پێش ئێستا
یاسای ٣،٥٪ چییە؟ پێوەرێکی تری تیۆری بۆ تێگەیشتن لەوەی بۆچی رژێمی کۆماری ئیسلامی ئێران نەرووخا؟
4
11 کاتژمێر پێش ئێستا
زانیاری لەبارەی ئەو منداڵەی بە دوو رووخسارەوە لەدایک بوو
5
3 رۆژ پێش ئێستا
مارکۆ ڕۆبیۆ: هەڕەشەی لەسێدارەدانی سکرتێری گشتیی ئاژانسی نێودەولەتیی وزەی ئەتۆمی قبوڵ ناکرێت
6
4 رۆژ پێش ئێستا
ماڵپەرێکی ئەمریكی؛ نوێنەری ترەمپ لەگەڵ مەزڵوم عەبدی و مەسرور بارزانی کۆدەبێتەوە
Copyright © 2020 All Rights Reserved Designed And Developed By AVESTA GROUP