کاتێک لەساڵی ٢٠٠٣ عێراق بەسەرپەرشتی هاوپەیمانان ئازاد كرا لە ژێر دەسەڵاتی گور بەگوری بەعس، هەموو نەتەوەكانی عێراق بە هەموو ئایین، ئاینزاكان، زمان و كەلتورەوە زۆردلخۆشبوون، هەستمان دەكرد ئێستا لەدایك بوینە، هەروەك جەنابی سەرۆك بارزانی ئەوكات كە سەردانی بەغدای كرد فەرمووی :(لأول مرة اشعر بعراقيتي)

واتە یەكەمجارە هەست بە عێراقێتی خوم دەكەم، بەڵام ئەوەی جێگای داخە ئەو دڵخوشیەی جەنابیان و كورد بە گشتی زۆری نەخەیاند و هەر زوو دەسەڵاتدارە شیعەكانی عێراق غروریان بۆ دروست بو، بێ منەت و بێ باك بون لە هاوپەیمان و هاو سەنگەریان، حیسابیان بۆ كەس نەكرد و هەر ئەوەیان كرد كە دیاربو لەمێشكیان دابو، یاخود ئەوەی پێیان گوترابوو، هەر نەیانهێشت هەناسەیەكی قۆل و نوێ لەم عێراقە نوێیە هەلبكێشین و هەست بە گۆرانكاری و هیواو ئاواتێكی نوێ و سەردەمێكی نوێ بكەین، نەیان هێشت بە جیهانی دەرەوە بلێین یان پیشانی خەڵك و دونیا بدەین كە بەلێ ئێمە لەسەر حەق بوین بو لەناوبردنی بەعسی گور بەگور، بە روونتر بڵێم چەند سالێكی كەمی پێ نەچو خەلكی عێراق بیری سەردەمی بەعسیان كردەوە و لەخەوێكی ناخوش هەستانەوە و دیتیان بەدیلی بەعس هیچ شتێك، بەرنامەیەك و پرۆژەیەكی نوێی پێ نیە. سەرۆك بارزانی لە یادەوەرییەكانیدا دەفەرموێ: ئەوكاتەی هێزی ئوپوزوسیون بوین و سەركەوتین، لە لەندەنی پایتەختی بەریتانیا كونفرانسێك ئەنجامدرا ووتار پیشكەش كران، جەنابیان كە بەشداری تێداكرد و ووتارێكی پێشكەش كرد، ناچمە سەر هەموو ووتارەكەی جەنابیان تەنها ئەوە باس دەكەم کە كاتێک جەنابیانی داوای لە هێزە ئوپوزسیونەكانی عێراق كرد كەوا ئەمە دەرفەتێكی نوێیەو عێراقێكی نوێیە، واز لە رق و كینەو توڵە كردنەوە بێنن و لاپەرەیەكێ نوێ هەلبدەنەوە

بەڵام بەداخەوە بە حوكمی ئەوەی هیچ كەس وەك سیاسیەكانی شیعە بێ بەلێن نین و لای ئەوان تەنها مەزهەب گرنگە، یەكەم كار كەوا شیعە دەسەڵاتدارەكانی عێراق ئەنجامیان دا دەستیان كرد بە توڵە كردنەوە بەبێ فەرق جیاوازی نێوان پیر، گەنج، منداڵ و ئافرەتە كوردەکان، گرنگ مادەم شیعە نین لەناویان ببە

سەیری جیاوازییەكی سادەو گرنگی نێوان احمد الشرع، سەركردەی ئوپوزسیونی سوریا و سەركردەكانی ئۆپوزسیونی شیعەی عێراق بكەن كە دژی سەددام بون، جیاوازیەكە سەیرە، بۆ نموونە، احمد الشرع لە سالی ٢٠١٢ تا ٢٠١٧ ەكان لە بەرەیەكی توندڕەوی تیرۆریستی توند و كوژەك بوو، وە هەروەها ركابەری قاعیدەی ئەیمەن زەواهیری و ئەبو موسعەب زەرقاوی دەكرد، لە كوشتن و بڕین و هتد، واتە رابردویەكی خراپ و تیڕوری هەبوو، كەچی هەر كە دەسەڵاتی گرتە دەست بە تەواوی شێوەو هەلس و كەوت، رەفتار، قسە وگفتوگوی گۆری، وەك ئەوەی ئەم كابرایە ٣٠ ساڵ لە ناو سیاسەت و دیبلوماسیەت دابێت.

لەم لاوە ئەگەر بێین باسی سەركردەكانی شیعەی عێراق بکەین بەتەواوی پێچەوانەی ئەوانن، كەسانی سیڤیل و سادە و بێ زەر بوون، تەنها خەباتی خۆیان دەكرد و لوبیان دروست دەكرد، گفتوگۆ و كونفرانس و دانوستاندنیان دەكرد، بەشێوازێكی مەدەنی جوان و خاوێن، خەڵك زۆر دلیان پێ خوشبوو وە پشتگیریان دەكرد، بە حەسرەتەوە چاوەروانیان بو بێنە سەر دەسەلات و سەردەمێكی زێڕینی جوان و خوشگوزەرانی دەست پێ بكات، كەچی چیڵێهات و چی روویدا!!

ئۆپزسیۆنی عێراق (شیعە) ئەوان هەر كە دەسەڵاتیان گرتە دەست،هەروەك لە سەرەتاوە ئاماژەم پێدا لەجیاتی هەڵدانەوەی لاپەرەیەكی نوێ خاوێن، لەجیاتی خزمەتگوزاری ئاوەدانی، برایەتی، پێكەوە ژیان دەستیان كرد بە (تصفية) توڵەكردنەوە، (تشييع) وە سرینەوەی بەرامبەریان، دوای ٢١ ساڵ وایان لە خەڵكی عێراق كرد كەوا لە ژیان و ئاین و عێراقی خویان بێزار و بێ هیواببن.

ناونیشانی من واتای چیە و مەبەستم چیە؟

من كە دەڵێم سوپاسێكی شیعە قەرزاین هەر بە جددی وایە، هۆکارەکەی چییە؟ سەیركەن لە ٢٠٠٥ ەوە تا ئەمرۆ كەوا (مجلس الحكم) پێكهێنرا، سەركردە دەسەڵات بەدەستانێکی شیعەی عێراق تەنانەت یەك نموونەی جوانی حوكمرانی، خزمەتگوزاری، ئاوەدانی، برایەتی و پێكەوە ژیانیان پیشانی خەڵكی خۆیان نەدا و نەكرد، واتە یەك شت لەم عێراقەدا نیە كەوا بە ویژدانەوە ئێمە پێش یارو نەیارانی ئەوان بلێین اشهدو باللە ئەمە كار و پرۆژە وئاوەدانیەكی جوانە.

ئایا دەزانن کە بەسرە تا ئەمرۆش كێشەی ئاوی خواردنەوەیان هەیە، بەغدای پایتەخت لەبەر بونی زبل و خاشاك ژیانی تێدا نەماوە، لە گەرمای هاوین كە پلەی گەرما دەگاتە ٥٦، تەنها چوار كاتژمێر کارەبا هەیە، كەچی لە ٢٠٠٥ تا ئەمرۆ بە نوسراوی فەرمی وەزارەتە یەك لەدوا یەكەكانی حكومەتەكانی عێراق نزیكی ١٠ بلیون دۆلار تەنها بۆ كارەبا تەرخان كراوە.

بە ملیارات دولاڕ بەناوی خاوێن كردن و سەوزكردنی بەغدا سەرف كراوە كەچی كاتێك پاپای ڤاتیكان لە سەردەمی بەرهەم صالح (سەرۆك كۆماری عێراق) بوو سەردانی عێراقی كرد هەرچی شوێنە بەناو سەوزاییەكانە بە بۆیەی سەوز سبوخ كران تا بلێن بەغداد سەوز كراوە. من نامەوێ نموونە زیندی باس بکەم ئەگەر نا دەبێت پەرتوك لەسەر ئەم فەزاحەتانە دروست بکەم، جا لە كرینی خۆل بگرە، باوربكەن بچیتە شاری دیالا دەڵێی سەردەمی (اصحاب الكهف)ە، سەیری شارئ سەماوە بکەیت هێشتا رێگاو بانەکانی خۆلن، نازانم باسی چی و كوێ بكەم، هەموو ئەوانەی باسم كرد مەبەستم ئەوەیە کە ئەوانە بەم شێوەیە عێراق بەرێوەدەبەن، ئینجاش هەندێک كوردی خۆمان قیبلەنامەیان بەغدایە، ٢٤ سەعات بەشان و باڵی بغدا و دەسەلاتدارەكانی بەغدا هەڵ دەدەن، ئینجا دەمگوت باشە خۆم لە بەغدا بویمە و بە چاوی خۆم ئەم وێرانی و پیس و پەڵوسی و خراپی و بێ سەروبەریەم دیتیە، دەمپرسی باشە بەغدا ئاوایە هەندێ پەرلەمانتار و پارتە سیاسیەكان ئاوا بوونەتە موریدی بەغدا، باشە ئەگەر بەغدا وەكو پارێزگاكانی هەرێم بوایە هەر هیچ نەبێت خاوێن بایە، بێجگە لە شتەکانی تر، وەک جوانی، ئاوەدانی، ئارامییەکەی ئەو کات چۆن وەسفیان بەغدایان دەکرد، دەشزانم كەم و كورتی زۆرن، من بە ئاكادیمی قسەدەكەم و دەزانم داواكاریمان زۆرن، بەلام وەكو وتم ئەگەر بەغدا نیوەی ئاوەدانی و جوانی و ئارامی هەولێری هەبوایە، بەخۆم دەگوت دەبا ئەو كوردە(حەسەن خەیرییە توركچیانە) چیان لەمە كردبا و بەمەیان دەوت، هەروەها وەڵاممان چ دەبوو بۆ ئەو خۆ فڕوش و جاشانە.

شتە سەیرەكە لەوەدایە سەركردە گەورەكانی شیعە لەعێراق، بە تایبەتی لایەنە پێكهێنەرەكانی حكومەت كە پێیان دەلێن(الإطار التنسيقي) بە ئاشكرا دەلێن ئێمە فەشەلمان هێنا، بۆ نمونە هادی عامری بە ئاشكرا رایگەیاند ئێمە لەئیدارەدان

و خزمەتكردنی هاولاتی عێراقی فەشەلمان هێناوە. عەممار حەكیم دەلێت ئێمە شكستمان هێنا، هاوڵاتی عێراقی لێمان تورەن، نمونە زۆرن بەڵام ناتوانم لێرە هەمووی باس بكەم، بەڵام سەیرو سەمەرەكە لێرەدایە ئەوان دەڵین ئێمە شكستمان هێناوە كەچی كوردە خو فڕوشەكان بەغدایان كردوە بە شامی شەریف و قیبلە نامە.