ئەم چەمك و رووداوە بۆ عێراق شتێكی نوێیە کە نزیكە لە روودانی، ماوەیەكی تر لە عێراق ئەمە دەبێتە ئەمری واقع، لەوانەیە خوێنەری بەرێز بپرسێ، واتای چیە و چۆن لە عێراق دەولەتۆكێكی تر دروست دەكرێت؟
ماوەیەكە تێبینیم كردووە سەركردە شیعە عێراقیەكان زۆر بە گەرمی ئەم چەمكە بەكاردێنن و داوا دەكەن.
پێش باسی بكەم خۆتان دەزانن ئەم سەركردە شیعە عێراقیانە تەنها پیلی دامەن بە زمانی عەرەبی پێیان دەلێن(ذيولي) (زبابيك) ئەمانە هیچ شتێكیان بە دەست خۆیان نیە و بە حەزی خویان نیە، ئەمانە بەرنامەو فەرمان و كارو كردوەیان وەك خواردنی (مُعَلَبْ) لە دەرەوە بویان هاوردە دەکرێت، لە دەرەوە بە دیاری كراوی لە ئێرانەوە بۆیان دێت.
جا تێبینم كرد ماوەیەکە مالیكی و هادی عامری و ابو فدك و هی تر داوا دەكەن دەولەتێكی شیعی لە باشوری عێراق(بەصرە) دروست بكرێت. پسیارەكە ئەوەیە، بۆ؟
ئێران بە تەواوی دركی بە مەترسی روخان یان لەدەست دەرچونی عێراقی کردووە، بە ئاشكراش بە كلكەكانی راگەیاندووە كەوا ئیدی ئەو دەسەڵات و هێزو پشتگیریەی كلكەكانی لە بەغدا نەماوە. لەبەر هەیمەنەت و فشاری ئەمەریكا، سوننەكان بەرەو هەرێمێكی سەربەخۆ دەچن و كوردەكان ئەوە هەر هیچ لەگەڵ ئێوە نین و لە ئێوە بێ هیوابونە، بۆیە ئێران دەیەوێت بۆ هێشتنەوەی بەرژەوەندییەكانی خۆی پلان (ب) لە عێراق بەکار بهێنێت، بۆ لەدەست نەدانی ئەو سەروەت، سامان، پارەو پۆل، نەوت و سەرچاوە سروشتیەكانی لە عێراق. چونكە هەر وەك سەرۆكی ئەمەریكا لە یەكێك لە کۆنگرەیەکی رۆژنامەوانید ووتی (عێراق بۆ ئێران وەك مانگای بە شیرە). ئەگەر خوێنەری بەرێز دیقەتی دابێت و بپرسێت ئایا بۆچی هندە ساڵە ئەو سزایانە لەسەر ئێڕان هەن كەچی ئێران هەروا دەژیت، خۆی پێ بەخێو دەكرێت و ناكەوێت. دەبێت بپڕسێت، بۆ؟؟
زۆر بەسادەیی وەلامەكەی ئەوەیە، كاتێك تو بە بەهای ٩٠ ملیار دۆلار (گیشك و سلق و شێلم) لە ئێران بكریت، ئەمە سادەترین نموونەیە كەوا چی دەگوزەڕێت لە عێراق، چۆن ئێران شێت و شەیدای عێراقە، هەموو شتێك دەكات تاوەكو ئەم گەنجینە پر خێرو بەرەكەتە بەڵاشەی لەدەست نەچێت. بۆیە ئێران بە زیرەكی خۆی بەم پلانە هەڵساوە. ئەوەی كە باسم كرد لە ناونیشانەكەی را دیارە وڵاتێكی شیعە لە جنوبی عێراق دابمەزرێنێت ئێران خۆی پێ ساغ بكاتەوە و پێی بژیێت.
لێرەدا نەك پرسیارێك بەڵكو هەزاران پسیار لە مێشكی عاقل و دلسۆزێكی كورد دروست دەبێت، لەهەموشیان گرنگتر ئەوەیە، خێرە بو ئێمەی كورد هەرچی هەیە حەرامە و نابێت و عێراق دەبێت یەك پارچە بێت و ئێمەی كورد (إنفصالين) ؟
بەڵام ئەم مێش و مەگەزانەی ئێران لە عێراق هەر كە بیستیان بەرژەوەندی گەورەیان(ئێران) كەوتە مەترسیەوە یەكسەر هزرو بیرو بوچونیان ١٨٠ پلە گۆرا و داوای دەوڵەتێکی شیعی لە جنوبی عێراق دەكەن، هەر لەهەمان ئان و ساتدا هێشتا ئێمە لەلای ئەوان جودا خوازین تێكدەرین.
من لە هەموو ژیانمدا هیچ سەركردەیەك و هیچ تەبەقەیەكم نەدیت لە شیعەی عێراق گەمژەتر، ببورن ئەگەر ووشەكە جوانیش نەبێت، بەڵام تۆ وەرە سەیرکە وڵات و ژیانی خۆی، ناو بانگ و هەموو شتی خۆیان دەكەنە قوربانی وڵاتێكی دراوسێیان، تاوەكو لێیان رازی بێت، خێرو بێری وڵاتی من بۆ تۆ، تو سەربەرز و خۆش بژی، من كێشەم نیە با پێم بڵین كلك كوێلە. لە وڵاتی من غەرقی زبل و خاشاك، پیس و پەلوسی، هەژاری، گەندەلی، دزی و بەرەڵایی بۆتەوە، كەچی چاوەرێی بزانی چ ئەمر و داواكارییەك لە ئێرانەوە بۆت دێت.
ئێ خو ئەگەر سبەی ئەو ئێران و ئەو دەسەلاتەت نەما (كە زۆری نەمایە انشاللە) ئەوكات چی دەكەیت، بۆ كوێ رادەكەیت، كێ پشتت دەگرێ، یان كێ وەرت دەگرێ، خۆ سور دەزانێ بە دووری نەگرە لەسەر شەقامەكان راتبكێشن، كەچی هیچ ئەمانەی لەبەر چاو نیە و هەر خەریكی وڵات فرۆشتن و نۆكەریە.
ئەم وڵاتە عێراقیە شیعە جنوبیە كۆتا بزمارە لە تابوتی شیعەی دەسەلاتداری عێراق دەدرێت. بێگومان بەڵام ئەم سەركردە عێراقیە شیعانە هێشتا بە ئاگا نەهاتون هندە عاشقی ئێرانن هندە هەژموونی ئێران بەسەریاندا زاڵە نوستوون. لە هەمووی ناخوشتر ئەوەیە سبەی هەرچیان لێ بقەومێ ئێران بە هیچ شێوەیەك ئامادە نیە خۆی لێ بكاتە خاوەن، هەر وەك چۆن لە پێش ئەم چلكاوانە (اسماعیل هەنیەو حسن نصراللە)ی فرۆشت، وا خەریكە یەمەنیش دەفروشێ، كەچی هێشتا ئەم شیعانەی عێراق بە ئاگا ناهێن و نەهاتوون، لای ئێران ئەمانە و ئەو وڵاتەی دروست دەكەن گرنگ نین گرنگ خێر و بێرەکەیەتی وەک، نەفت، پارە، ماددەی هۆشبەر و ماددە كانزاكانی.
تا دوێنێ و پێرێ بوو دروستكردنی هەرێمێكی سوننەیان پێ حەرام و كوفر بو، نابێت بە هیچ شێوەك عێراق دابەش بكرێت و نازانم چی و چی، كەچی تەنها كە زانیان بەرژەوەندی مورشید و مەرجعیان كەوتە مەترسیەوە، نە حەرام ما، نە (وحدة العراق) ما، نە كوفر ما، هەموو شتێك دروستە مادەم گەورەكەیان پێیان خوشە.
هاوڵاتی شیعە و عێراق باش گەیشتونەتە قەناعەتێكی تەواو كەوا ئەمانە هیچ ئینتیمایان بو وڵاتی عێراق نیە و نەمایە، ئەمانە عێراقی نین، ئەمانە ئامادەن بۆ یەك كەسی ئێرانی هەموو عێراق بفرۆشن و بروخێنن. سەیركەن ئینتیماو كوێلایەتی ئەم شیعە عێراقیانە بە چ ئاستێك گەیشتوە و ئەوانە تەنهاو تەنها مەزهەبیان لا گرنگە با وڵات ئاو و ئاو بروات، ئەمەیان زیاتر لە نوكتەیەك دەچێت لە یاڕی نێوان كوێت و عێراق كە هاوكات بو لەگەڵ ئەو رۆژەی ئیمام علی بریندار كرابو، ئاسایشی نێو یاریگا داوا لە هاندەرانی دەكەن لەكاتی سەركەوتن ئاهەنگ نەگێرن چونكە ئیمام برینداركراوە.
جا فەرموو وەرە ئەمانە تێبگەینە كە وڵات، ئینتیما، خزمەتكردن، ئاوەدنی، گەشەكردن، بەرەو پێش بردن و تەكنولوژیا گرنگە بو وڵات.