هەڵکەوتەى جوگرافى کوردستان کەوتۆتە ناوچەیەکى سەخت لە ڕووى مێژووییەکى پڕ لە ئاڵۆزى و ململانێی قورس و کە هەرگیز سەقامگیرى و ئاسوودەیی بەخۆیەوە نەبینیووە ، لەگەڵ ئەوەى گەلى کورد و ەک نەتەوەیەکى ڕەسەن هەرگیز باوەرى بە شەڕ وداگیرکارى نەبووە ،بەڵام بەدرێژایی مێژوو دوور لەویستى خۆى کەوتۆتە نێو ئاگرى شەڕى جەمسەرە ناوچەیی و نێودەوڵەتییەکانەوە ، ئەوەتا جارێکى دیکە هەرێمى کوردستان کەوتۆتە نێو تاقیکردنەوە و ئەزموونێکى قورسەوە ، سەردەمێک لە بەهۆى بەرژوەندیی زڵهێزە ناوچەیی و نێودەوڵەتییەکاندا بەش بەش و هەوڵى سڕینەوەمان درا و قوربانى زۆرمان بۆ مانەوەمان بەخشى،ـ ئێستاش دواى زیاتر لەیەک سەدە لە کۆتایی پەیماننامەیەکى شوومى بریتانى وفەرەنسى بەناوى سایکس پیکۆ، جارێکى تر پێشهات و رووداوەکان ژانى لەدایکبوونى نەخشەیەکى نوێ سیاسى لێ چاوەران دەکرێت . ئەوەتا چەند ساڵێکە و بە دیاریکراوە لەرووداى رووداوەکانى 7ى ئۆکتۆبەرى 2023 شەڕ و ململانێیەکان رۆژ بە رۆژ قورستتر دەبنەوە لە نێوان ئەمەریکاوئیسرائیل بەرامبەر ئێران ، بەتایبەت لە 28ى شووباتى 2026وە شەڕ و ئاڵۆزییەکان چڕتر بوونەتەوە ، ئەوەش تەنها جەنگ و کێبڕکێییەکى نێوان چەند دوڵەت نییە ،بەڵکو کۆتایی هێنان بە هەژمووونێکە کە 47 ساڵە دواى سڕینەوەى ئەمەریکاو ئیسرائیل دەکات لەناوچەکەدا ، ئەوەى جێگەى هەڵوەستەکردنە جارێکى دیکە گەلى کورد و خاکى کوردستان راستەوخۆ و ناڕاستەوخۆ کراوەتە گۆڕەپاتى یەکلاکردنەوەى جەنگى گەرم و سارد زڵهێزە ناوچەیی و نێودەوڵەتییەکان

وێراى ئەوەى گەلى کورد و سەرکردایەتیی سیاسى کوردستان بە ئاشکرا و ڕاشکاوى بێلایەنى خۆى لە نێو ئەو شەڕ و ململانێیاندا ڕاگەیاندووە ، بەڵام بە شێوەیەکى زۆر ناڕەوا بەغدا و  تاران چ ڕاستەوخۆ بێت یانیش بەڕێگەى گروپ و تاقمە تیرۆریست ولە یاسا دەرچووەکان بە هەموو جۆرە چەکێک پەلامار و هێرش دەکەن سەر خەڵکى سڤیڵ و پێشمەرگە شەهید ئەندامى دەزگە ئەمنییەکان شەهید و بریندار دەکەن ، ئەوە ئاماژە و پێشهاتێکى مەترسیدارە و دوورە لە هەمو وبەها مرۆڤایەتییەکان و دراوسێتى و پەیوەندییەکان  کورد و عەرەب و فارس ، لە کاتێکدا و بەدرێژایی 34 ساڵى حکوومڕانى هەرێمى کوردستان ، هەرگیز نەبووەتە مەترسى و نائارامى بۆ سەر هیچ گەل و دراوسێیەکى بەڵکو هەمیشە هەوێنى سەقامگیرى و ئاسایش و پێکەوەژیان بووە و پەیوەندیی ئابوورى و کۆمەڵایەتى بوارى دیکەش هەبووە ، بەڵام جێگەى داخە ، هەم دەسەڵاتى تاران و هەمیش بەغدا  بە زێهنیەتێکى زۆر دوژمنکارانە و ناڕەوا زمانى ئاگر  وئاسن و درۆن و مووشەک بۆ شکاندنى ئیرادەى گەکەلەمانیان گڕتەبەڕ  ، لەگەڵ هەموو ئەم دوژمنکاریانەدا سەرکردایەتیی سیاسى هەرێمى کوردستان هەوڵەکانى تەنها بۆ چارەسەری ئاشتیانە و لۆژیکانە و پارێزگاریکردن بووە لەخۆى بۆ تێوە نەگلان لە شەڕ و ململانێیەکانى ناوچەکە بووە

پەلامارى تیرۆریستى بەڕێگەى درۆنى بۆ مبرێژکراو بۆ سەر ماڵى نێچیرڤان بارزانى،سەرۆکى هەرێمى کوردستان ، لە شارى دهۆک ، رووداوێکى سادە و تەنها بۆ سەر ماڵى بارزانى نییە ، بەڵکو قۆناغ و هەنگاوێکى زۆر مەترسیدارە لە کات و ساتێکدا کە ناوچەکە بە قۆناغێکى زۆر هەستیار و پڕ لە گرژى گوزە دەکات ، بۆیە بە ئامانج گرتنى ماڵى سەرۆکى هەرێمى کوردستان پێمان دەڵێت : 

یەکەم ،، لە دواى پێکانى پێگە سەربازى و ئەمنیی و ئابوورییەکان ، ئێستا پێگە سیاسى و دیپلۆماسییەکان و هێلە سوورەکان دەکرێت ئامانج بەتایبەت ماڵى نێچیرڤان بارزانى ، وەک سەرۆکى هەرێم کە خاوەن سەنگ و پێگەیەکى گرنگ و دیپلۆماسییە و کەسایەتییەکى دیار و بەرچاوە بۆ چارەسەرى کێشە ئاڵۆزەکان و کردنەوەى گرێکوێرەکان لە نێو ئاڵۆزییەکان ناوچەکەدا ، هەوڵێکە بۆ ئەوەى هەرێمى کوردستان پەیوەندییە دیپلۆماسییەکانى لەگەڵ وڵاتانى زڵهێزى دونیا بپچێڕنێت 

دووەم ،، چڕبوونەوەى هێرش و پەلاماردان بۆ سەر کۆنسووڵخانەى وڵاتان و شوێنى سڤیل و فڕۆکەخانە و ماڵى سەرۆکى هەرێم کە ماڵى هەموو کوردێک و شوێنى چارەسەرى کێشەکانە و لێدانە سەر سەنگ و قورسایی هەرێمى کوردستان بەتایبەتى کە بارزانى ئەندازیارى ئاشتى و ئومێدە بۆ کوردستان و عێراق و خاوەن کردنەوەى کلیلى دەرگە داخراوەکانە و لەهەمانکاتیشدا پارێزەرى قەوارەى هەرێمى کوردستان و هەوێنى یەکریزى و تەبایی کوردوکوردستانە 

سێیەم ،، پەلامارى تیرۆریستى بۆ سەر ماڵى سەرۆکى هەرێم، خەونێکى نەزۆکە بۆ ئەوەى پەیوەندییەکانى کوردستان لەگەڵ وڵاتانى ناوچەکە و جیهان بچڕێنن ، بەڕێگەى دروستکردنى ترس لە نێو گەلى کورد وسەرکردایەتییەکەى و تا بەهەمووان بڵێن کوردستانیش شوێنکى پارێزراو نییە 

چوارەم ،، ئەو هێرش وپەلاماردانە تیرۆریستیانە لەکاتێکدایە گرژى و ناسەقامگیرى هەموو ناوچەکەى گڕتۆتەوە،بۆ نەیاران و دوژمنان گەلى کورد و  ئەم قەوارەیە چاویان بە هەرێمى کوردستان کە تاکە دوورگەى سەقامگیرە لە ناوچەکە وعێراق هەڵنایەت و خۆشیان تووشى هەرەسهێنان وشکست بوونەتەوە ، خەونى ئەوەش دەبینن تا ئەو تاقم وگروپە تیرۆریستیانە هەموو هەوڵێک بدەن تا کوردستان بگڵێنە ناو شەڕى ناوچەکەوە ، بۆ ئەوەى جگە لەوەى زیانى سیاسى ودیپلۆماسى و ئاسایشى , لەهەمانکاتیشدا کۆسپ و بەربەست لە بەردەم پێشکەوتنەکانى کوردستان دروست بکەن و متمانە خەڵکى کوردستان بە حکوومەت و دامەزراوەکانى کەم بکەنەوە،وەک چۆن لەماوەى رابردوو هەوڵیاندا و بەڵام نەیانتوانى 

پێنجەم،، لەماوەى رابردوو و ئێستاشدا دوژمنان و تیرۆریستان درێغیان نەکردووە ، لە هێرش وپەڵاماردان بۆ سەر پێشمەرگە و خەڵکى سڤیڵ و شوێنە گشتییەکان و نەوت و غازى کوردستان بۆ بێ ئومێدکردن و دروستکردنى ترس لە نێو خەڵکى کوردستان ، بۆیە ئەم کردەوە ترسنۆکانە و تیرۆریستیانە بەزاندنى هەموو هێڵە سوورەکان و پێوستە کۆمەڵگەى نێودەوڵەتى بێتە سەر هێڵ چونکە ، چیتر ناکرێت ئەو  پەلامارە تیرۆریستیانە تەنها لە چوارچێوەى ئیدانەکردن و بەیاننامەى دا بمێنێتەوە 

شەشەم،، ئیستا ئیتر کاتى ئەوە هاتووە چۆن کوردستان ڕووبەڕووى تیرۆریستانى داعش بووە ، بەهەمان شێوە مافێکى رەواى خۆیەتى بەرگرى لە قەوارەى هەرێمى کوردستان و ئاسایشى نەتەوەیی ونیشتیمانى خۆى بکات و گرنگە تەکنۆلۆژیان و چەکى بەرگری پێشکەوتوو بۆ بەڕپەرچدانەوەى ئەو درۆن و مووشەکانەى دوژمنان لەلایەن زڵهێزانەوە بۆ دابین بکرێت لە پێناو پارێزگاریکردن لە سەروەرى خاک و نیشتمانمان 

گرنگە هەوڵە سیاسى و دیپلۆماسىییەکان چ لە سەر ئاستى ناوچەیی و نێودەوڵەتیی چڕ بکرێنەوە بۆ زیاتر پشتیوانى هەرێمى کوردستان و پارێزگاریکردن لێ و ئەرک و بەرپرسیاریەتى رەوندى کوردستانیش لەدەرەوە بۆ دروستکردنى گوشار لە سەر وڵاتانى زۆر زەروورەتە، لە هەمان کاتیشدا مێژوو سەلمێنەرە گەلى کورد قۆناغى زۆر لەوە سەخت و دژوارترى بڕیووە و هەرگیز بەرامبەر کوشندەترین و وێرانکەرترین چەکى دوژمنان ئیرادەى نەشکاوە و خۆى نەچەماندووە و ئەو هێرشە ترسنۆکانە و نامرۆڤانەیەش تەبایی و یەکهەڵ,ێستى نێوماڵى کوردستانى لەسەر ئاستى هەر چوار بەشى کوردستان زیاتر پتەوتر کردووە ، پارێزگاریکردنیش لە قەوارەیەک کە بەخۆینى هەزاران شەهید بەرهەم هاتووە و هەمیشە هەوێنى ئاشتى و ئارامى بووە و هەرگیز بە درۆن ومووشەک و پەلامارى تیرۆریستان و دوژمنە نامەردەکان ناڵەڕزێت و ناکەوێت