لە ساڵیادی ١٤ ساڵ بەسەر كۆمەڵكووژی رۆبۆسكیدا ئەم وتارە بەنرخەی ئەحمەد ئاڵتانتان پێشكەش دەكەم تایبەت بە رۆبۆسكی نووسیوە.

ئەوەندە بەدوای شتی پروچووچ مەبەن، ئەم جۆرە وتارانە شەیر كەن با هەموو كوردێك بیزانێت و ئاگاداری بێت

وەگێڕانی لە توركییەوە: كارزان گلی

لە زەوییەكی كراوەدا، بۆردومانی هاووڵاتیان دەكەن و ٣٤ كورد دەكوژن، كاتێك لیژنەی لێكۆڵینەوە دەچێتە ئەوێ، لە گوندییەكان دەپرسن: ”ئێوە كەی بۆردومانی ئەو كەسانەتان بینیووە؟“ بە بڕوای من پرسیارێكی هەڵە لە مرۆڤە هەڵەكان دەكرێت.

ئەوانەی ڤیدیۆی ئەو بۆردومانەیان بینیووە، پێویستە بیانپرسیایە كێ بوو فەرمانی بوردومانی ئەو كەسانەی دا، ئێوەی گوندی كەی ئەو كاتەتان بینی؟ واتە كاتی بۆردومانەكە.

پێویستە سەیری ئەو ڤیدیۆی بۆردومانە بكرێت.
بەڵام ئەوەی كۆكن لەسەری، ئەو ڤیدیۆی بۆردومانە، تاكە خاوەنی ئەو كەسانەن كە دەوڵەتی توركیا بەڕێوە دەبەن، ئەوانەی بڕوایان پێی هەیە، نیشانی حكوومەتی ئاكەپەی نادەن. یاخود بە شێوەیەكی كەموكوڕی نیشانی دەدەن.

یاخود ترسناكترین ئەگەر، دەسەڵاتی سیاسی نازانێت چی لەناو سوپادا دەگوزەرێت، بۆ ئەوەی رویداوە ئینكار بكرێت یان نەكرێت، دەیانەوێت لەسەر زاری گوندییەكانەوە بیزانن و زانیاری وەربگرن،
كام ئەگەر راستە نازانم.

بەڵام كاتێك لە گوندییەكان دەپرسن كەی ئێوە بۆردومانەكەتان بینیوە؟ ئەمە گومانەكانی من زیاتر دەكات، ئەوەشی پێشبینیمان كردبوو، ئەنكەرا بارودۆخەكە تێك دەدات و تاریكی دەكات، ئەمەشی ئاشكرا كردووە. ئێستا كاتێك تابلۆیەكە دەبینین، ئەوەی بینیراوە راستییەكە، بۆ توركیا و بۆ ئەكەپە هیچ جێگەی ئومێد نییە.

دوو هەفتە بەسەر كوشتنی ئەو مرۆڤانە تێپەریوە، كەچی حكوومەت تاوەكوو ئێستاش دەیەوێت لە گوندییەكان بزانێت كەی بینیویانە كاتێك بۆردومانی ئەو كەسانە كراوە؟ بۆ وەڵامی ئەو پرسیارە، وەڵامەكەتان لە خەڵكی گوندی رۆبۆسكی دەست ناكەوێت، بەڵكوو لە ئەنكەرا و لە خەڵكی سڤیل و دەزگای سەربازی دەست دەكەوێت.

ئەگەر بیانەوێت وەڵامەكە وەربگرن، دەتوانن وەڵامەكە بدۆزنەوە، بەڵام لە راستیدا دڵنیا نیم ئاخۆ ئەوان بە دوای راستییەكەدا دەگەڕێن یان نا؟
ئەو بێدەنگییە و تەنانەت داوای لێبوردنێكیان لە بیر چووە، ئەو كەلەرەقییەش هیچ متمانەیەك نادات بە دەستەوە.

ئاكەپە ماوەیەكی زۆرە، لە چارەسەركردنی كێشە و گەڕان بە دوای وەڵام و شەفافییەت و دابەشكردنی لەگەڵ خەڵكدا دەرچووە، لە شوێنی ئەوەدا زۆر توند بووە و كێشە دروست دەكات و بووەتە ئەو حكوومەتەی هەوڵ دەدات تاوانەكە دابخات و پەردەپۆشی بكات.

دوێنێ لە چوارچێوەی ئۆپەڕاسیۆنی KCK دا، لە ئەنكەرا هەڵیانكوتایە سەر ماڵی لەیلا زانا، وەكوو ئەوەی باسیش دەكرێت، دەستیان بەسەر لاپتۆپەكەی زانادا گرتووە.

لەیلا زانا تەنیا بۆ كوردەكان نا، بەڵكوو بۆ هەموو توركیاش بووە بە سیمبول. لە سەردەمی خوێناوی تانسۆ چیللەردا، خۆی و ٣ هاوڕێی بەیەكەوە لە پەرلەمانی توركیا دەرهێنران و لەوكاتەشەوە فشاركردنە سەر سیاسەتی كورد، ئەوانی كرد بە سومبول.

ئەوكاتەی هەڵتان كوتایە سەر زانا، پۆلیس سەری خوالێخۆشبوو ئۆرهان دۆغانی هێنایە خوارەوە و لەناو پەرلەمان دەریان هێنا و سواری سەیارەی پۆلیسیان كرد و لەبەردەم هەموو كەسێك بردیان، ئەو ڤیدیۆیە لەگەڵ ڤیدیۆیەكانی تردا هاوارێك بوو.

هەرخۆی ئەو  جۆرە ڤیدیۆیانە و لە قۆناغی هەڵسوكەوتی حكوومەتیش بەرامبەریان بە هۆی ئەوەی رێپێوان دەكەن و بە توندی رووبەڕوویان دەبنەوە، پێمان دەڵێت كەشوهەوای سیاسی بە پەلەیی گۆڕانی بەسەردا دێت.

ئێمە بوینەتە مۆدێل بۆ هەموو موسڵمانەكانی جیهان، كە ئەو وڵاتەین لە دیموكراتی دوور كەوتوینەتەوە، ئەو چاوەڕوانییەی دەدرەوشایەوە، كاڵ دەبێتەوە و ئەو گەشبینییەش بەرەو رەشبینی دەچێت.

ئاكەپە بە ئومێدی ئەوەی ئەم وڵاتە بگۆڕێت و بەرەو سەردەمی زێڕینی ببات و بە دیموكراتی بكات دەرچووە، ئەو كاتانەشی كەسانێك بە شێوەیەكی زۆر جیدی و توند پاڵپشتیان لە ئاكەپە دەكرد، ئێستا بە توندترین شێوە رەخنەی لێ دەگرن. پێشوتریش ئەوانەی نەفرەتیان لە ئاكەپە دەكرد، ئێستا  باوەش بۆ ئەوان دەكەنەوە.
 هانێس سۆوبۆد   سەرۆكی گروپی سۆسیالیستەكان لەناو پەرلەمانی ئەورووپا،  بە شێوەیەكی زۆر توند پاڵپشتی لە ئاكەپە و حكوومەتەكەی دەكرد، بەڵام دوێنێ بە شێوەیەكی زۆر جیدی رەخنەی لە ئاكەپە گرت.
هانێس  گوتی: ”رەخنە لە حكوومەت دەگرم، بە هۆی ئەوەی رۆژنامەنووسان دەستگیر دەكات و هەروەها توندیشە بەرامبەر بە كەمال كلیچدارئۆغڵو، سەرۆكی جەهەپە كە گەورەترین پارتی ئۆپۆزسیۆنی توركیایە“.

بەڵام ئەوەی كە گیان دەردەكات و رەخنەكە توند دەكاتەوە، داوای گۆڕانی حكوومەت دەكات و دەڵێت ”حكوومەت ستراتیژیەتی راستی لە دەستداوە، پێشتر ستراتیژییەتی توركیا ئاشكرا و روون بوو، دەبێت لە چوارچێوەی دیموكراتیدا كێشەكان چارەسەر بكرێن. ئەوەشی پەیوەندی بە دەستوورەوەیە هیچ شتێكی روون و ئاشكرا بوونی نییە و چی روو دەدات كەس نازانێت، ئەمەش بۆ دیموكراتی توركیا باش نییە“

سەردەمانێك توركیا مۆدێلێكی باش بوو بۆ دونیای عەرەب، ئێستاش بە هۆی ئەو كێشانەی روو دەدەن لە سیاسەتی ناوەخۆدا، بوینەتە نموونەیەكی خراپ بۆ دونیای موسڵمانان، ئەمەش هەر 
Hannes باسی دەكات.

ئاكەپە بەبێ ئەوەی هیچ كێشەیەك چارەسەر بكات، زۆر توند بووە و بە خۆریاتی بووە، زۆریش كەلەڕەق بووە و هەموو تاوانەكانی خۆی پەردەپۆش دەكات. بەبێ ئەوەی یاسایەكی تەندروست دروست بكات، ئەم وڵاتەش بەو شێوە خوارە بەڕێوە ببات، رەخنەكان زیاتر دەبن و لە دونیای بەرەوپێشیشدا، لە ماوەیەكی كەمدا هاوكاری دیموكراتی كۆتایی پێ دێت.
ئەوەشی دەمێنتەوە، لە بەرامبەردا هاوكاری سەربازی ئێران و سووریا دەكرێت، باشە ئێمە پێشتریش لەناو ئەو چیرۆكەدا نەژیاوین؟

ئەو هاوكارییە سەربازییە، لە كۆتاییدا تا كوێ دەڕوات نازانن؟
ئێمە دەزانین، دیارە تیمەكەی رەجەب تەییب ئەردۆغان نایزانن. با سەرۆك وەزیران دابنیشێت و ئەو مێژووە نزیكە بخوێنێتەوە، با سەیری ئەوە بكات، ئەوەی بڕوای بە تۆڵە و حیساباتی سەربازی هەبووە، چیان لێ بەسەر هات و جارێكی تر سەیری بكاتەوە.

ئەم وتارە لە ١٤_١_٢٠١٢ لە ماڵپەری (تایم تورك) بڵاوبووەتەوە