هەرێم نیوز
مەفرەزەکانی نوسینگەی نەهێشتنی تاوانی چەمچەماڵ سێ تۆمەتباریان بە تۆمەتی دزینی چەند سەر ئاژەڵێک دەستگیر کرد و دەستبەسەرداگرتنیان بەپێی یاسای سزادانی عێراقی ڕاگەیاند.
دەستگیرکردنی تۆمەتباران و وردەکاریی لێکۆڵینەوەکان
ئەمڕۆ چوارشەممە ٥ی ئابی ٢٠٢٦، ڕاگەیاندنی بەڕێوەبەرایەتیی پۆلیسی پارێزگای سلێمانی بڵاوی کردەوە، پاش ئەوەی هاووڵاتییەک لە نوسینگەی نەهێشتنی تاوانی چەمچەماڵ سکاڵای یاسایی تۆمار کرد بەوەی چەند سەر ئاژەڵێکی لێ دزراوە، بە بڕیاری دادوەر ڕاستەوخۆ لێکۆڵینەوە لە ڕووداوەکە دەستی پێکرد.
پۆلیسی سلێمانی ئاماژەی بەوە دا، دوای بەدواداچوونی مەیدانی و گەیشتن بە ئەنجامی لێکۆڵینەوەکان، توانرا لەلایەن مەفرەزەکانی نوسینگەی نەهێشتنی تاوانی چەمچەماڵەوە شوێنی تۆمەتباران بدۆزرێتەوە و هەرسێکیان دەستگیر بکرێن.
ناونیشان و ڕێکارە یاساییەکان
بەپێی ڕاگەیەندراوەکەی پۆلیس، تۆمەتبارە دەستگیرکراوەکان برتیین لە:
(م، ع، ع) لەدایکبووی ساڵی ٢٠٠٠.
(ب، هـ، ک) لەدایکبووی ساڵی ٢٠٠٦.
(م، ن، أ) لەدایکبووی ساڵی ٢٠٠٦.
لە ئێستادا هەرسێ تۆمەتبارەکە بە بڕیاری دادوەر و بەپێی مادەی (٤٤٣) لە یاسای سزادانی عێراقی ڕاگیراون و لێکۆڵینەوەی یاسایی لەگەڵیاندا بەردەوامە.