هەرێم نیوز

هێزەکانی ئاسایشی ناوخۆی حەلەب ڕایدەگەیەنن لە سێیەم ڕۆژی هێرشەکاندا، هەموو هەوڵێکی چەکدارانی حکوومەت بۆ چوونە ناو گەڕەکە کوردییەکان شکستی هێناوە و ژمارەیەک چەکداریش بەدیل گیراون.

ئەمڕۆ پێنجشەممە 8ی 1ی 2026، ئاسایشی ناوخۆی حەلەب لە گەڕەکەکانی شێخ مەقسوود و ئەشرەفییە ڕایگەیاند، بۆ سێیەم ڕۆژ لەسەریەک هێرشی چەکدارانی سەر بە حکوومەتی سووریا بەردەوامە، بەڵام سەرجەم هەوڵ و پەلامارەکانیان بۆ چوونە ناو ئەو دوو گەڕەکە و ناوچەی کاستێلۆ تێکشکێنراون.

سەبارەت بە زیانەکان، ئاسایش ئاشکرای کرد کە لە 48 کاتژمێری ڕابردوودا بەهۆی بۆردومان و شەڕەکانەوە، هەشت کەس گیانیان لەدەست داوە و 57 کەسی دیکەش بریندار بوون.

هاوکات لەبارەی زیانی هێرشبەرانەوە ئاماژەی بەوە داوە، چوار چەکدار بەدیل گیراون و تەرمی شەش چەکداریش لە مەیدانی شەڕەکەدا بەجێماون.