هەرێم نیوز
بڕیارە ئەمڕۆ بەشێوەیەكی فەرمی گەورەترین كونسوڵگەی ئەمەریكا لەسەر ئاستی دنیا لە هەولێر بكرێتەوە، بەمەیش ئاستی پێوەندییەكانی ئەمەریكا و كوردستان دەچێتە قۆناغێكی تر.
ئەمڕۆ چوارشەممە، مایكڵ ڕێگاس جێگری وەزیری دەرەوەی ئەمەریكا، سەردانی عێراق دەكات و دواتر سەردانی هەولێر دەكات.
رێگاس لە سەردانەكەیدا گەورەترین كونسوڵگەی وڵاتەكەی لەسەر ئاستی دنیا لە هەولێر دەكاتەوە، ئەوەیش دەستپێكی پێوەندییەكی نوێی نێوان هەولێر و واشنتنە.
کونسوڵخانە گەورەکەی ئەمەریکا لە کوردستان، بەردی بناغەی لە 6ـی 7ی 2018 دانراوە، لەسەر ڕووبەری 82 دۆنم زەویی بنیادنراوە.
لە ڕووی هونەریی و ژینگەییەوە، باڵەخانەکە بە شێوازێکی مۆدێرن و دۆستبە ژینگەیە، سیستەمێکی پێشکەوتووی ڕیسایکلینی ئاوی تێدایە و 15%ـی کارەباکەی لە ڕێگەی وزەی خۆرەوە دابین دەکرێت.
باڵەخانەکەی کونسوڵخانەی ئەمەریکا، توانای لەخۆگرتنی 1000 کەسی هەیە و کردنەوەشی وەک گرنگیدانی ئەمەریکا بە کوردستان لێکدەدرێتەوە.