هەرێم نیوز
وه‌زیری كاره‌بای هه‌رێمی كوردستان، له كۆنفڕانسێكی ڕۆژنامەوانیدا ڕایگه‌یاند كه له‌گه‌ڵ به‌رپرسانی دانه‌غاز قسه‌یان كردووه و سیستمی به‌رگریی دژه‌درۆن بۆ كێڵگه‌ی كۆرمۆر دابین بكرێ.
کەمال محمەد ئاماژەی بەوەشدا ، ئێستا دوو هه‌زار مێگاوات كاره‌با به‌رده‌سته و له چه‌ند كاتژمێری داهاتوودا كاره‌با به‌ته‌واوه‌تی ئاسایی ده‌بێته‌وه.
ڕاشیگه‌یاند، به ئامانجگرتنی كۆرمۆر، نه‌مانهێشت تیرۆریستان مه‌رامه‌كانیان به‌دی بێت.
وه‌زیری كاره‌با وتیشی، سه‌رۆكی حكوومه‌ت هه‌ر له شه‌وی بۆردومانه‌كه‌وه له‌سه‌ر خه‌ت بووه بۆ چاره‌سه‌ركردنی گرفته‌كان. ئێمه سوپاسی هاووڵاتیان ده‌كه‌ین كه پشوو درێژ بوون، دڵنیایان ده‌كه‌ینه‌وه كه دۆخی كاره‌با به‌ره‌و باشتر چووه.
هاوكات باسی له‌وه‌ش كرد، لێژنه‌ی ئه‌منی پێكهاتووه له‌سه‌ر رووداوه‌كه‌ی كۆرمۆر و ئه‌وان كاره‌كانی خۆیان ده‌كه‌ن و دواتر ئه‌نجامه‌كان بۆ رای گشتی ڕاده‌گه‌یه‌نن و ده‌بێ سنوورێك بۆ ئه‌وانه‌ی كه له یاسا ده‌رچوونه دابنرێت.
ئەمەش لە کاتێکدایە، ئەوە لەكاتێكدایە كە دره‌نگانی شه‌وی 26ی 11ی 2025 دوو هێرشكرایه سه‌ر كێڵگه‌ی غازی كۆرمۆر به‌ڵام یه‌كێك له هێرشه‌كان ئامانجه‌كه‌ی نه‌پێكا و هێرشه‌كه‌ی دیكه‌شیان كۆگایه‌كی غازی كردوه‌ته ئامانج و ئاگرێكی گه‌وره‌ی لێكه‌وته‌وه، كە سەر ئەنجام بوە هۆی زیانێكی زۆر بە تۆڕی كارەبای هەرێمی كوردستان و بەرهەمهێنانی کارەبا لە هەرێم بە ڕێژەیەکی بەرچاو کەم بوەوە.