هەرێم نیوز
وه‌زاره‌تی دارایی و ئابوری حكومه‌تی هه‌رێمی كوردستان ڕایگه‌یاند، بڕی ٩٤١ ملیار و ٨٧٤ ملیۆن دینار وەک تەمویلی مووچەی مانگی ئەیلولی فەرمانبەران و مووچەخۆرانی هەرێمی کوردستان خرایە سەر هەژماری بانکی وەزارەتی دارایی و ئابوری هەرێمی کوردستان لەلقی هەولێری بانکی ناوەندی عێراق.
بە گورێرەی زانیاریەکان، سبەی یەکشەممە دەست بە دابەشکردنی مووچە دەکرێت و بە سێ ڕۆژ مووچەی سەرجەم مووچەخۆران دابەش دەکرێت.
دەقی راگەیاندراوەکەی وەزارەتی دارایی و ئابوری:
تەمویلی مووچەی مانگی ئەیلوول خرایە سەر هەژماری بانکی وەزارەتی دارایی.
ڕۆژی شەممە ( ٢٠٢٥/١١/٢٩) بڕی (٩٤١،٨٧٤،٠٠٠،٠٠٠) نۆ سەدو چل و یەک ملیارو هەشت سەدو حەفتاو چوار ملیۆن دینار وەک تەمویلی مووچەی مانگی ئەیلولی فەرمانبەران و مووچەخۆرانی هەرێمی کوردستان خرایە سەر هەژماری بانکی وەزارەتی دارایی و ئابووری هەرێمی کوردستان لەلقی هەولێری بانکی ناوەندی عێراق.
ڕاگەیاندنی وەزارەتی دارایی و ئابووری
٢٠٢٥/١١/٢٩