هەرێم نیوز

سەرۆکی حکومەت کێشەی مووچەی خانەنشینانی پێشمەرگە چارەسەر دەکات کە لەلایەن بەغدادەوە خەرج نەکرابوو.

 
لەسەر فەرمانی مەسرور بارزانی، سەرۆکی حکومەتی هەرێمی کوردستان، بڕیاردرا کێشەی مووچەی ئەو ئەفسەر و پلەدار و پێشمەرگانەی لە 2025/1/1 بە دواوە خانەنشین بوونە و مووچەیان لەلایەن حکومەتی فیدرالەوە خەرج نەکراوە چارەسەر بکرێت.

بۆ ئەم مەبەستەش وەزارەتی دارایی و ئابووریی ڕاسپاردووە، بەیانیی پێنجشەممە 11/6 مووچەیەکیان وەک پێشینە لە سەر داهاتی ناوخوی هەرێم بۆ خەرج بکات و بە زووترین کاتیش چارەسەری ئەم بابەتە بکرێت.