هەرێم نیوز
وەزیری سامانە سروشتییەکان ڕایگەیاند، ھەرکاتێک ھەناردەکردنەوەی نەوت دەستپێبکات کێشەی مووچە چارەسەر دەبێت و گەشبینین بە چارەسەرکردنی کێشەی نەوت لە نێوان ھەولێر و بەغدا.
کەمال محەممەد، وەزیری سامانە سروشتییەکان وتی: ڕێککەوتن کراوە کۆمپانیایەکی بەریتانی خەرجی بەرھەمھێنانی نەوت دیاری بکات و کۆمپانیاکانی نەوتیش داوایانکردووە لە بڕی پارە بەشێک لە نەوت وەک حەقدەست وەربگرن.
ڕاشیگەیاند: زۆربەی کێشەکانی پەیوەست بە دۆسیەی نەوت چارەسەر کراوە و کۆمپانیاکان داوای زامنکردنی شایستە داراییەکانیان دەکەن و لە ماوەیەکی کورتدا کێشەی دۆسیەی نەوت بە تەواوەتی چارەسەر دەکرێت.
باسی لەوەش کرد: تورکیا و عێراق لەبارەی ھەناردەکردنەوەی نەوت کێشەیان نییە و بەغدا گەرەنتی بداتە کۆمپانیاکان لە ماوەی ٢٤ کاتژمێر ھەناردەی نەوت دەستپێدەکاتەوە.
دەشڵێت: ھەرکاتێک ھەناردەکردنەوەی نەوت دەستپێبکات کێشەی مووچە چارەسەر دەبێت و گەشبینین بە چارەسەرکردنی کێشەی نەوت لە نێوان ھەولێر و بەغدا.