هەرێم نیوز
رەجەب تەیب ئەردۆغان، سەرۆککۆماری تورکیا لە پاش پەیامە ڤیدیۆییەکەی عەبدوڵڵا ئۆجەلان رایگەیاند، "دەیان ساڵە میللەتی ئێمە چاوەڕێی ئاشتییە و دەبێ پرۆسەکە زوو بەرەوپێش بچێت".
عەبدوڵڵا ئۆجەلان، رێبەری زیندانیکراوی پەکەکە کە لە ساڵی 1999وە لە زیندانی دوورگەی ئیمرالییە، دوای نزیکەی 27 ساڵ پەیامێکی ڤیدیۆیی بڵاوکردەوە.
ئەردۆغان سەرۆکی پارتی داد و گەشەپێدان لە کۆبوونەوەی گروپی پەرلەمانی پارتەکەیدا لەپەرلەمان وتارێکى پێشکەشکرد، وتى: کاتێک دیواری تیرۆر ڕووخێنرا ان شاءاللە هەموو شتێک زۆر باشتر دەبێت. براوەکان هەموو وڵاتەکەمان دەبن، کورد، تورک، عەرەب.
سەبارەت بەدیدارەکەى لەگەڵ شاندى ئیمرالى ئەوەى خستەڕوو ڕۆژی دووشەممە پێشوازیم لە شاندی پارتی دیموکرات کرد.
ئەو دەڵێت: دیدارێکی زۆر بەرهەمدار و بنیاتنەرمان لەگەڵ ئەوان ئەنجامدا. ئێمە ئامانجی خۆمان بۆ تورکیایەکی بێ تیرۆر دووپات کردەوە. ئێمە دەچینە قۆناغێکەوە کە لە ڕۆژانی داهاتوودا هەواڵی ئەرێنیمان پێدەگات. هیوادارین ئەم پڕۆسە بەختەوەرییە لە زووترین کاتدا بە سەرکەوتوویی تەواو بێت، بەبێ ئەوەی هیچ ڕووداوێک ڕووبدات.
ئەوە لەكاتێكدایە عه‌بدوڵا ئۆجه‌لان، ڕێبه‌ری زیندانیكراوی پارتی كرێكارانی كوردستان (په‌كه‌كه) ئەمڕۆ چوارشەممە له په‌یامێكی ڤیدیۆیدا ڕایگه‌یاند، ده‌بێت ئه‌م دۆخه‌ی ئێستاكه وه‌كو ئه‌نجامێكی به بایه‌خ و مێژویی په‌سه‌ند بكرێت. هاوكات ڕه‌نجی ئه‌و هاوڕێیانه‌ی كه رۆڵی پرد ده‌گێڕن شایسته‌ی ڕێز و گرنگی پێدانێكی هاوئاسته.
ده‌شڵێت، "پێویستە به‌ئاشكرا ئه‌وه بڵێم كه هه‌مو ئه‌و گۆڕانكارییانه سه‌ره‌نجامی ئه‌و دانیشتنانه‌ن له ئیمراڵی ئه‌نجامم داون، به‌ورییاییه‌كی به‌رزه‌وه كار كراوه بۆ ئه‌وه‌ی دانیشتنه‌كان له‌سه‌ر بنچینه‌ی ئیراده‌ی ئازادبن".