هەرێم نیوز
پاش ئەوەی ئەمڕۆ دووشەممە پەکەکە بەفەرمی خۆهەڵوەشاندنەوەی خۆی ڕاگەیاند، میدیاکانی تورکیا بڵاویانکردەوە، بڕیارە سەرۆکایەتیی تورکیا بە سەرۆکایەتیی ڕەجب تەیب ئەردۆغان، سەرۆککۆماری تورکیا کۆببێتەوە، تەوەری سەرەکیشیان لەسەر خۆهەڵوەشاندنەوەی پەکەکە و قۆناغی دوای ئەوە دەبێت.
لە یەکەم کاردانەوەی ناوخۆی تورکیا لەبارەی چەکدانانی پەکەکە، عومەر چەلیک، وتەبێژی پارتی داد و گەشەپێدانی تورکیا ڕایگەیاند: دوای بانگەوازەکەی ئیمرالی، بڕیارەکەی پەکەکە بۆ خۆهەڵوەشاندنەوە قۆناغێکی گرنگە و لە نزیکەوە چاودێری هەڵوەشاندنەوەکە دەکەین.
ئەمڕۆ دووشەممە 22-5-2025 پەکەکە بە ڕاگەیاندراوێکی بەرفراوانی ئەنجامنامە، وردەکاریی و زانیارییەکانی ١٢ـەمین کۆنگرەی خۆی بڵاوکردەوە.
پەکەکە ڕایگەیاندووە کە بڕیاریانداوە خۆیان هەڵوەشێننەوە و چەکدانێن. دەڵێت: کۆتای بە هەموو ئەوکارانە هات بە ناوی پەکەکەوە دەکران.