هەرێم نیوز
پۆلیسی هەولێر دەڵێت، "کەسێک بە تۆمەتی هەڕەشەکردنی بڵاوکردنەوەی ڤیدۆی نەشیاوی، لە ئافرەتان کردبوو بەوهۆیەوە دەستگیرکرا".
ئەمڕۆ سێشەممە، بەڕێوەبەرایەتی پۆلیسی پارێزگای هەولێر لە ڕاگەیەندراوێکدا ڕایگەیاند: "دوای ئەوەی ئافرەتێک سکاڵای تۆمارکرد، بەڕێوەبەرایەتی پۆلیسی پارێزگای هەولێر تۆمەتبارێکی بە تۆمەتی هەڕەشەکردن لە ئافرەتان دەستگیر کرد".
ئاشکراشیکرد: "دوای لێکۆڵینەوە و بەدواداچوونی ورد لە لایەن تیمەکانمانەوە، شوێنی تۆمەتبار دەستنیشان کراو دەستگیر کراو تۆمەتبار بە بڕیاری بەڕێز دادوەری لێکۆڵینەوە ڕاگیراوە".
پۆلیسی هەولێر داوایەک ئاراستەی هاووڵاتییان دەکات و دەلێت، داواکارین، تۆڕە کۆمەڵایەتییەکان بە هۆشیارییەوە بەکاربهێنن و وێنە و ڤیدیۆی نەشیاو بۆ کەس نەنێرن، بۆ ئەوەی تووشی کێشە و گرفتی جۆراوجۆر نەبنەوە.