هەرێم نیوز

حاجییەکی دیکەی دانیشتووی قەزای سۆران گیانیلەدەستدا، بەوەش ژمارەی حاجییانی هەرێمی کوردستان کە لە وەرزی حەجی ئەم ساڵ گیانیانلەدەستدا گەیشتە 20 حاجی.
 
ئەو حاجییەی گیانی لەدەستداوە، ناوی ئازاد مەلاحەسەن هاودیانییە و تەمەنی 61 ساڵە، دانیشتووی قەزای سۆرانی سەر بە پارێزگای هەولێرە، لە یەکەم رۆژی جەژنەوە ونببوو.

ئەم حاجییەی قەزای سۆران لە رۆژی یەکەمی جەژنی قوربانەوە سۆراخی نەبوو، کەسوکارەکەی داوایانکردبوو هەر کەسێک زانیاریی لەبارەیەوە هەیە ئاگاداریان بکاتەوە.

نزیکەی دوو ملیۆن موسڵمان لەم هەفتەیەدا مەراسیمی حەج لە سعودیە تەواو دەکەن. بەهۆی گەرمای تاقەتپڕووکێن و ماندووبوونی حاجییان، لە میانی مەراسیمی حەجی ئەمساڵدا زیاتر لە 500 حاجی گیانیان لەدەستداوە.

ئەمساڵ لە هەرێمی کوردستان 4,685 هاوڵاتی بۆ حەجکردن چوونەتە سعودیە، کە 1,460 کەسیان بە رێگەی وشکانی رۆیشتوون.