هەرێم نیوز
بەڕێوەبەری سامانی ماسی ڕایدەگەیەنێت، سبەی دوایین ڕۆژی قەدەغەی ڕاوەماسییە و ڕاوچییەکان دەستیان بە ئامادەکاری کردووە.
بێستوون بەکر، بەڕێوەبەری سامانی ماسی ڕایگەیاند: سبەی پێنجشەممە، دوایین ڕۆژی قەدەغەی ڕاوەماسییە لە هەرێمی کوردستان و ڕۆژی دواتر ڕاوکردن لە دەریاچە و زێ و ئاوی ڕووبار و چەمەکان ئاسایی دەبێتەوە.
وتیشی: ماوەی قەدەغەکردنی ڕاوەماسی لەمە زیاتر درێژ ناکرێتەوە.
ئەمەش لە کاتێکدایە، ئەمساڵ لە سەرەتای مانگی ئادار 5 تاوەکو 15ی6ی2024 وەک ماوەی قەدەغەکردنی ڕاوەماسی لە تەواوی ناوچەکانی هەرێمی کوردستان دیاری کرابوو، بەڵام دواتر ماوەکە بۆ پێنج ڕۆژی زیاتر درێژ کرایەوە.
لە بەنداوی مووسڵ تاوەکو 1ی7ی2024، ڕاوەماسی قەدەغەیە و هۆکارەکەشی بۆ ئەوە دەگەڕێنرێتەوە کە هاوکاتی بەشی دیکەی ئاوی بەنداوەکە بێت کە لەژێر دەسەڵاتی حکومەتی عێراقدایە.