هەرێم نیوز
لە سنووری دەربەندیخان، دەستبەسەر گەورەترین کۆگای دروستکردنی ماددەی هۆشبەر گیراوە. چوار تۆمەتباریش دەستگیرکراون.
لە ئۆپەراسیۆنەکی هاوبەشدا ئەم چالاکییە ئەنجامدراوە و توانراوە 4 تۆمەتبار دەستگیر بکرێت.
لە ڤیدیۆیەکیشدا کە وەزارەتی ناوخۆی عێراق بڵاویکردووەتەوە، وتەبێژی وەزارەتی ناوخۆ وردەکاری ئۆپەراسیۆنێکی هاوبەشی نێوان بەڕێوەبەرایەتی بەرەنگاربوونەوەی ماددەی هۆشبەری عێراق و بەڕێوەبەرایەتی بەرەنگاربوونەوەی ماددەی هۆشبەری سلێمانی ڕادەگەیەنێت و دەڵێت، چوار کەس دەستگیرکراوە لە ئۆپەراسیۆنەکەدا و دەستبەسەر 150 بۆ 180 کیلۆ مادەی کریستاڵی تێدابووە.
هەریەک لە هێزەکانی بەڕێوەبەرایەتی نەهێشتنی ماددە هۆشبەرەکانی دەزگای ئاسایشی هەرێم، بەهەماهەنگی و ئاڵۆگۆڕی زانیاری هەواڵگری نێودەوڵەتی و وەزارەتی ناوخۆی حکومەتی عێراقی فیدراڵ، توانیان پاش چاودێکردن و بەداواداچوونی وورد لەناوچەیەکی سنوری (ناحيەی ميدان) کارگەیەکی ماددەی هۆشبەر لەناوببەن.
لەچالاکییە هاوبەشەکەدا توانراوە دەستبگیرێت بەسەر سەرجەم ئەو ئامێرانەی بۆ دروستکردنی ماددەی هۆشبەر بەکارهێنراون.