هەرێم نیوز
وتەبێژی حکومەتی عێراق دەڵێت، لەبوارەکانی ئەمنی، بازرگانی و ئاودا رێککەوتن لەگەڵ تورکیا دەکرێت. دەشڵێت، "ئەندامانی پەکەکە لە عێراق نابێت چالاکیی سیاسی و سەربازییان هەبێت".
باسم عەوادی، وتەبێژی حکومەتی عێراق رایگەیاند: بابەتی هەناردەکردنەوەی نەوتی هەرێمی کوردستان پێش ئەوەی بە هەماهەنگی نێوان ئەنقەرە و بەغدا چارەسەر بکرێت، دۆسیەیەکی ئاڵۆز بوو.
وتیشی، پرسی هەناردەکردنی نەوتی هەرێمی کوردستان بابەتێکی دیکەیە، ئەوە بابەتێکی تایبەتە و لەکاتی خۆیدا گفتوگۆی لەسەر دەکرێت.
باسم عەوادی، وتەبێژی حکومەتی عێراق لە کۆنفرانسێکی رۆژنامەڤانی دا رایگەیاند: رێگە بە [پەکەکە] نادرێت چالاکیی سیاسی و سەربازی بکات و وەکو میوان و پەنابەری سیاسی مامەڵەیان لەگەڵ دەکرێت.
ڕاشیگهیاند ، کۆمپانیاکانی تورکیا بەشدار دەبن لە ئاوەدانکردنەوە و نەهێشتنی کێشەی ئاو لە عێراق، هەروەها لە کەرتەکانی گەشتیاری و بواری دیکەدا هاوبەشی لەگەڵ ئەنقەرە دەکرێت.