ئاكار محەمەد - سلێمانی
بەرپرسێکی پارتی سۆسیالیست رایدەگەیەنێت، هیچ بەهانەیەک نەماوە تا هەڵبژاردنی هەرێمی کوردستان نەکرێت و دەبێت لە نزیکترین ماوەدا کاتی هەڵبژاردن دیاری بکرێت.
تانیا تاهیر بەرپرسی ئەنجومەنی ڕێکخستنی ناوەندی پارتی سۆسیال دیموکراتی کوردستان بۆ هەرێم نیوز وتی، دەبێت هەڵبژاردن لەکاتی خۆیدا بکرێت و هاوڵاتیان بتوانن ئازادانە لەڕێگای سندوقەکانی دەنگدانەوە بەشداری بنیاتنانی دەساڵات بکەن .
وتیشی، هیچ بەهانەیەک نەماوە تا هەڵبژاردنی هەرێمی کوردستان نەکرێت و دەبێت لە نزیکترین ماوەدا کاتی هەڵبژاردن دیاری بکرێت و هاوڵاتیان لەو نا ئارامی و ناسەقامگیریە سیاسیەدا نەمێننەوە، چونکە ناسەقامگیری سیاسی ڕاستەوخۆ کاریگەری لەسەر بارودۆخی ئابوری و کۆمەڵایەتی هاوڵاتیان هەیە و لەکۆتایدا دەبێتە هۆی دروستبوونی فەوزای سیاسی.
تانیا تاهیر، ئەوەشی وت، ئێمە وەک پارتی سۆسیال دیموکراتی کوردستان بەهەموو شێوەیەک ئامادەین بۆ ئەنجامدانی هەڵبژاردن.