هەرێم نیوز
گوتەبێژی کۆشکی سەرۆکایەتی رووسیا ناسراو بە کریملن رایگەیاند، هەر فڕۆکەیەکی جەنگی رەوانەی ئۆکرانیا بکرێت تێکیدەشکێنن.
لە لێدوانێکدا بۆ ئاژانسی هەواڵی، دیمیتری پیسکۆڤ گوتەبێژی کریملن باسی لەوەشکرد، ناردنی فڕۆکەی جەنگی بۆ ئۆکرانیا هیچ شتێک لە دۆخی جەنگ ناگۆڕێت چونکە لەلایەن رووسیاوە تێکدەشکێندرێت.
سەبارەت بە درێژکردنەوەی رێککەوتنی دانەوێڵە لە دەریای رەشەوە، گوتەبێژی کۆشکی کرملن ئاماژەی بەوەدا، رووسیا بڕیاری درێژکردنەوەی رێککەوتنی دانەوێڵەی بۆ 60 رۆژی دیکە داوە.
ئەمە لەکاتێکدایە، 16 ی ئەم مانگە سەرۆک وەزیرانی پۆڵندا رایگەیاند، چوار فڕۆکە لە جۆری مێگ 29 رادەستی ئۆکرانیا دەکەن.