ئاكار محەمەد - سلێمانی
چالاکوانێكی بوای ئەنفال دەڵێت، هۆڵۆکۆست بوەتە مایەی یەکڕیزی و یەکگرتویی جولەکە و لە هیچ شوێنێکی دونیادا کەس ناتوانێت بەکەم سەیری هۆڵۆکۆست و جولەکە بکات.
سالار مەحمود ئەندامی پێشوی پەرلەمانی کوردستان و چالاکوانی ئەنفال بۆ هەرێم نیوز وتی، ئێمەی کورد تەنهای نەتەوی دونیاین کە چەند ساڵ جارێک جینۆساید دەکرێن کە ئەمە دیاردەیەکی مەترسیدارە، وە ئەگەر کار لەسەر جینۆسایدی هەڵەبجە و ئەنفال نەکرێت ئەوا گەلی کورد بەردەوام لەژێر مەترسی جینۆسایدایە.
وتیشی، جینۆساید و تراژیدیای گەلی کورد ناسنامەیە بۆ ئێمە، دەبێت تراژیدیاکانمان ببێتە مایەی یەکڕیزی گەلی کورد هەروەک چۆن هۆڵۆکۆست بوە مایەی یەکڕیزی و یەکگرتویی جولەکە و لە هیچ شوێنێکی دونیادا کەس ناتوانێت بەکەم سەیری هۆڵۆکۆست و جولەکە بکات دەبێت ئێمەش تراژیدیاکانی ئەنفال و کیمیاباران و ئازارەکانمان ببێتە هۆی یەک ڕیزی و یەک دەنگیمان.