هەرێم نیوز
کەشناسی عێراق رایگەیاند، رۆژی دووشەممەی داهاتوو شەپۆلێکی چڕی خۆڵبارین 12 پارێزگای عێراق دەگرێتە.
عامر جابری، وتەبێژی دەستەی کەشناسی و بوومەلەرزەزانیی عێراق رایگەیاند، رۆژی دووشەمەی داهاتو شەپۆلێكی چڕی خۆڵبارین عێراق و هەرێمی كوردستان دەگرێتەوە بە جۆرێک لە هەندێک شوێن ئاستی بینین بۆ 500 مەتر کەمدەبێتەوە.
وتیشی، داوا لەهاوڵاتیان دەكەین لە رۆژی دووشەممەی داهاتو هەوڵبدەن کەمترین دەرچوونیان هەبێت و لەماڵەکانیاندا بمێننەوە تەنیا بۆ کاری زۆر پێویست نەبێت، بەتایبەت ئەوانەی بەتەمەنن یان ئەوانەی کێشەی هەستیارییان هەیە و هەناسەیان تەنگە.
وتەبێژی دەستەی کەشناسی و بوومەلەرزەزانیی عێراق، راشیگەیاند،"رۆژی سێشەممە شەپۆلی خۆڵبارینەکە کۆتایی پێدێت و دۆخی کەشوهەوا وەکو سەرەتای هەفتەی لێدێتەوە".