هەرێم نیوز
سەرۆکی دەزگای دژە تیرۆری عێراق رایگەیاند، هاوئاهەنگیان لەگەڵ هێزەکانی پێشمەرگە و دەزگاکانی دژە تیرۆر لە هەرێمی کوردستان هەیە.
عەبدولوەهاب ساعیدی، سەرۆکی دەزگای دژە تیرۆری عێراق لە کۆنگرەیەکی رۆژنامەڤانیدا رایگەیاند، هاریکاری و هاوئاهەنگیان لەگەڵ هێزەکانی پێشمەرگە و دەزگاکانی دژە تیرۆر لە هەرێمی کوردستان هەیە و لەو رێگەیەشە وە توانراوە ژمارەیەکی زۆر لە سەرەکیترین داواکراوەکان دەستگیربکرێن کە تۆمەتباربوون بە تیرۆر.
سەرۆکی دەزگای دژە تیرۆری عێراق وتیشی، هیوادارین ئەم هاوئاهەنگییە بەردەوام بێت و بگاتە بەرزترین ئاست.
دەشڵێت:"ئێمە لە دەزگای رووبەڕووبوونەوەی تیرۆر ئامادەین بۆ هەموو هاوکارییەکی هەرێمی کوردستان لەوەی پەیوەندیدارە بە زانیاری و راهێنان."
ئاماژەی بەوەشكرد، ئێستا ناوەندێکی ئەکادیمیمان هەیە و ئامادەین راهێنان بە برایانمان لە هێزی رووبەڕووبوونەوەی تیرۆری هەولێر و سلێمانی بکەین و لە رۆژانی داهاتوودا خولی تایبەتمان دەبێت بۆ کۆنتڕۆڵی ئاسمانی و خولی دیکەی تایبەت.
راشیگەیاند، شوێنی تایبەتمان بۆ هەرێمی کوردستان تەرخانکردووە بۆ بەشداریکردن لەو خولەدا.