دواین هەواڵ

عێراق‌

 پێش 2 هەفتە

موقتەدا سەدر پەیامێک ئاراستەی حەشدی شەعبی دەکات

موقتەدا سەدر: ئابڕووی جیهاد و موجاهیدین لە سەنگی مەحەکە

هەرێم نیوز
موقتەدا سەدر، رابەری رەوتی سەدر پەیامێک ئاراستەی حەشدی شەعبی دەکات و دەڵێت "ئابڕووی جیهاد و موجاهیدین لە سەنگی مەحەکە".


موقتەدا سەدر، رابەری رەوتی سەدر لە تویتێکدا لە تۆڕی کۆمەڵایەتیی تویتەر پەیامێکی ئاراستەی حەشدی شەعبی کردووە، کە تێیدا ئاماژە بەوەدەکات، "پێویستە پێشەنگی کەسانی دیکە بن لە پابەندبوون بە ئایین، شەرع، بیروباوەڕ، ئاکار، خزمەتکردنی هەژار و ستەملێکراوان، بەبێ هیچ بەرامبەرێک. دەسەڵات و کورسی، ماڵ و نێوبانگتان بەلاوە گرنگ نەبێت".

موقتەدا سەدر، دەڵێت "ئابڕووی جیهاد و موجاهیدین لە سەنگی مەحەکە، هەمووان لەمەدا بەرپرسین، بەڵێ پاراستنی بەرپرسیاریەتیێکی گەورە، هەروەها لەڕێگەی خزمەتکردنی گەلەکانتان بەبێ جیاوازی نەتەوە، تائیفی و ئەوانی دیکە، ئەمەش لە رێگەی خاکیبوون و باوەڕداریتانەوە".

لە کۆتایی پەیامەکەیدا موقتەدا سەدر، رابەری رەوتی سەدر جەخت لەوەدەکاتەوە "ئێمەی موجاهید دروست نەکراوین بۆ دونیا، کورسی، دەسەڵات و دەستگرتن بە دەسەڵاتەوە، بەڵکو لە پێناو نیشتمان، گەل و سەرخستنی ستەملێکراو و هەژاران دروستکراوین".



Copyright © 2020 All Rights Reserved Designed And Developed By AVESTA GROUP