دواین هەواڵ

وەرزش‌

 04/05/2021

موحریزی یانه‌ی‌ مانشسته‌ر چه‌ندین ژماره‌ی مێژویی به‌ ده‌ستهێنا

  1. هه‌رێم نیوز
    ریاز موحریز، ئه‌ستێره‌ی‌ یانه‌ی‌ مانشسته‌ر سیتی ئینگلیزی، دوای‌ ئه‌و دو گۆڵه‌ی‌ به‌رامبه‌ر به‌ یانه‌ی‌ پاریس سان جێرمان تۆماریكرد له‌ چوارچێوه‌ی‌ یاری هاتنی‌ نیوه‌ی‌ كۆتایی خولی پاڵه‌وانه‌كانی‌ ئه‌وروپا، توانیویه‌تی ژماره‌ی مێژویی به‌ ده‌ستبهێنێت.

    له‌و یاریه‌دا له‌ خوله‌كه‌كانی 11 و 63 گۆڵه‌كانی تۆماركردو له‌ یاری رۆشتنیشدا توانی گۆڵی سه‌ركه‌وتن بۆ یانه‌كه‌ی‌ به‌رامبه‌ر به‌ یانه‌ی‌ پاریس سانجێرمان تۆماربكات.

    به‌پێی تۆڕی ئۆبتا-ی‌ جیهانی‌ بۆ ئاماره‌كان، موحریز یه‌كه‌م یاریزانه‌، كه‌ توانیویه‌تی له‌ خولی‌ ئینگلیزی و له‌ یاری رۆشتن و هاتندا له‌ ناوه‌ڕاستی كۆتایی خولی‌ پاڵه‌وانه‌كان گۆڵ تۆماربكات، دوای‌ سادیۆ مانی سینیگالی له‌ وه‌رزی (2017- 2018).

    به‌ هه‌مان شێوه‌ موحریز، گۆڵی ده‌یه‌می له‌ خولی‌ پاڵه‌وانه‌كانی ئه‌وروپا زیاتر له‌ هه‌ر یاریزانێكی جه‌زائیری‌ به‌ درێژایی مێژویی رابوردو تۆماركردوه‌.

    هاوكات یه‌كه‌م یاریزانی عه‌ره‌به‌ له‌ مێژویی خولی‌ پاڵه‌وانه‌كانی ئه‌وروپا كه‌ گۆڵ له‌ هاتن و رۆشتنی نیوه‌ی كۆتایی كیشوه‌ره‌كان تۆمار ده‌كات.

    به‌ هه‌مان شێوه‌ش یه‌كه‌م یاریزانی مانچسته‌ر سیتیه‌ كه‌ دو گۆڵ له‌ یارییه‌كدا له‌ نیوه‌ی كۆتایی خولی‌ پاڵه‌وانی‌ ئه‌وروپا تۆمار ده‌كات.

    له‌لایه‌كی تریشه‌وه‌ سێیه‌مین یاریزانی ئه‌فه‌ریقایه‌ كه‌ دو گۆڵ له‌ نیوه‌ی‌ كۆتایی خولی‌ پاڵه‌وانه‌كان تۆمار ده‌كات له‌ دوای‌ ئیڤواری‌ دیدیه‌ درۆگباو محه‌مه‌د سه‌لاحی ئه‌ستێره‌ی‌ لیڤه‌رپوڵ.



هەواڵی پەیوەندیدار

هەواڵی زیاتر

زۆرترین بینراو


Copyright © 2020 All Rights Reserved Designed And Developed By AVESTA GROUP