1. هەرێم نیوز
2. بەشێک لە نوێژخوێنان لە سلێمانی کە 20 بۆ 30 کەس دەبن، لە شەقامی سالم - سەهۆڵەکە نوێژی تەراویحیان کرد، ئەوەش دوای ئەوەی شەوی رابردو کوڕ و کچێک لەو شەقامە سەمایان کرد و کاردانەوەی زۆری موسڵمانانی لێکەوتەوە.
3.  
4. شەوی رابردو لە شەقامی سالم لە سلێمانی دو گەنج سەمایان کرد، کە یەکێکیان خەڵکی عێراق و ئەوی دیکەیشیان خەڵکی سوریا بو.
5.  
6. بڵاوبوونەوەی ڤیدیۆکە کاردانەوەی زۆری بەدوای خۆیدا هێنا، بەشێک لە موسڵمانان و بەکارهێنەرانی تۆڕەکۆمەڵایەتییەکان رەخنەیان لە کارەکە گرت و بە "بێڕێزی" بە موسڵمانان و مانگی رەمەزان ناویان برد. بەشێکی دیکەش لە نوسەر و رۆشنبیران سەمای ئەو کچ و کوڕەیان بەلاوە ئاسایی بوو و بە دیمەنێکی "جوان" ناویان برد.
7.  
8. ئەو کافتریایەی کە کوڕ و کچەکە سەمایان لەبەردەمدا کرد، ئەمشەو داخراوە تاوەکو موسڵمانان نوێژەکەیان تەواو دەکەن. هاوکات هاتوچۆی خەڵکیش بەو شوێنەدا تاوەکو کۆتاییهاتنی نوێژەکە راگیراوە.