ئاشکرایە ، مەسروور بارزانى ، سەرۆکى حکوومەتى هەرێمى کوردستان ، کارەکتەرێکى سیاسى و کەسایەتییەکى دیپلۆماسى و سەرکردەیەکى بەهێز و هەڵکەوتووى گۆڕەپانى سیاسى کوردستان و عێراقە هەمیشە هەر لەخۆشەوە ناسناوى خۆڕاگروبەهێزى دراوەتە پاڵ ، ئەوەش بۆ ڕووبەڕووبوونەوەى ئاستەنگ و ئاڵنگارى و بەربەستەکانى بەردەم نیشتیمانەکەى دەگەڕێتەوە لە پێناو پاراستنى دەستکەوتەکانى خەڵکى کوردستان ولە پێناو سەقامگیرى قەوارەى کوردستان و دەستکەوتەکان .

هەر لەگەڵ دەستپێکى پێکهێنانى کابینەى نۆیەم، ناوچەکە و جیهان تووشى چەندین کێشە وئاریشەى ئەمنى،سیاسى ، تەندروستى و دارایی و ئابووریی بووە ، کوردستانیش بەدەر نەبوو لە کەوتنە ژێر کاریگەرى ئەو گۆڕانکارى و پێشهات و ئاستەنگە مەزن وقورسانە ، بەڵام بینیمان ئەوەى توانى لە نێو سەختی و فشارە ناوخۆیی و دەرەکییەکاندا گەل و قەوارەکەى بپارێزێت و بە پلان و بەرنامەى ستراتیژى کوردستان لە گەمارۆدان و گۆشەگیرییەوە بخاتە سەر نەخشەى وڵاتانى گەشەسەندوو و پێشکەوتوو ، سەروکایەتى ژیرانەى مەسروور بارزانى، سەرۆکى حکوومەتى هەرێمى کوردستان بوو بە پشتیوانى خوا و خۆڕاگرى و ئیرادەى پۆڵاینى گەلى کوردستان.

ئەوەى بەکردەوە لەم کابینەى نۆ و هەنگاوەکانى سەرۆکى حکوومەتى کوردستان تا ئێستا بەردەوامە و دەبینرێت ،لەگەڵ هەموو ئاستەنگ و ئاڵنگارییە ناوخۆیی و دەرەکییەکانى نەیارانى کورد و لە بەردەمى دروستکران ، بەڵام زۆر ژیرانە و بوێرانە توانر کۆسپە گەورەکان بە شێوەیەکى وردبینانە چارەسەر بکات و بۆشایی نێوان خەڵکى کوردستان و حکوومەتەکەیان نەهێڵێت .
ڕێزدار مەسروور بارزانى،سەرۆکى حکوومەتى کوردستان ، هەر لەدەستپێکى کارەکانى کابینەى نۆیەمەوە ، گشت پلان و بەرنامە و هێڵەگشتییەکانى کارى حکوومەتەکەى ڕاگەیاند، لە پێناو خزمەتکردنى خەڵکى کوردستان و دروستکردنى متمانە و چەسپاندنى سەروەرى یاسا و خزمەتگوزارى گشتى و پێشخستنى کوردستان لە بوارى ئابوورى و فەرەچەشنکردنى داهات.هەروەها لەڕووى ئیدارە و کارگێڕى و نەهێشتنى ڕۆتین و ئاسانکارى لە بوارى دارایی و بازرگانى و دروستکردنى هەژمارى من هاوشێوەى وڵاتانى پێشکەوتوو و گەشەسەندوو هەنگاوى گرنگ هاویشتووە .
لە ڕووى سەربازى وئەمنیشەوە ، هەنگاوەکانى کابینەى نۆیەمى ، حکوومەتى کوردستان ، بە ئاڕاستەى یەکخستنەوەى هێزەکانى پێشمەرگە و ئاسایش ، لە پێناو زیاتر سەروەربوونى یاسا و سەقامگیرى و ئارامى لە هەرێمى کوردستان چوونە بوارى جێبەجێکردنەوە .

هەروەها کابینەى نۆیەم، لە ڕووى خزمەتگوزارى گشتى و بەتایبەتى پەروەردە و تەندروستى گشتى و کارکردنى بۆ سیستمى دڵنییایی و پارێزگاریکردن لە مافى نەخۆش و ئەرکى پزیشکان کردووە .
لەڕووى پرۆژەى خزمەتگوزارى و ئاوەدانى و ڕێگە وبان و کشتوکاڵ و پێشەسازى وگەشتیاریی و ڕەخساندنى هەڵى کار بۆ لاوان و قوتابیان هەنگاوى زۆر گرنگى ناوە .گرنگیدان بە کەرتى تایبەت و پشتیوانیکردن لەوانەى کارسازن و پێدانى قەزرى بچووک و مامناوەند یەکێکى دیکەیە لە هەنگاوەکانى حکوومەتى هەرێمى کوردستان و بەتایبەت گرنیگدان و بایەخدان بە گوندنیشینان و پرۆژەى گرنگى کشتوکاڵى و ئاودێرى و وەبەرهێنان بەشێکى تایبەت بووە لە بەرنامەى کارى حکوومەتى هەرێمى کوردستان .

هەروەها حکوومەتى کوردستان ، بەسەرۆکایەتى ڕێزدار مەسروور بارزانى، هەنگاویی کاریگەرى لە ڕووى پەیوەندییە سیاسى و دیپلۆماسییەکان لەگەڵ وڵاتانى ناوچەکە و عێراق و دونیا هاویشتووە ، بەتایبەتى هەمیشە هەوڵەکانى لەگەڵ بەغدا بۆ ئەوە بووە تا بەڕێگە دەستوور و لە سەر بنەماى هاوبەشى و ڕێزگرتن و هەماهەنگییەوە بێت ،بەڵام عێراق هەمیشە بەرەو دواوە کشاوەتەوە و پێشێڵى گشت ماف و شایستەکانى خەڵکى کوردستانى کردووە بەتایبەتى لە پرسى خاک و دارایی و ئابوورى و هەرگیز پابەندى دەستوور نەبووە .

بەدڵنییاییەوە ، کابینەى دەیەم ، دروشمى یەک حکوومەتى کوردستان ، بەسەرۆکایەتى ڕێزدار مەسروور بارزانى ، تەواوکارى پرۆژە و هەنگاوەکانى کابینەى دەیەم ، دەبێت و لە ئایندەیەکى نزیکیشدا ، هەنگاوەکانى بۆ چارەسەرکردنى بنەڕەتییانەى کێشەکان و ئاوەدانى و پێشکەوتنى زیاترى کوردستانى بەتایبەتى لەڕووى ئابوورى لێدەکەوێتەوە .

لەماوەى چەند ساڵى رابردوو ، بە توانایەکى بەهێز و کاراییەکى زۆر ڕووبەڕووى گەندەڵکاران و خۆفرۆشان و خاکفرۆشان بووە ، لەڕێگەى ئەو پلان و سیاسەت ژیرانەیەى لە سەر ئاستى ناوخۆ و دەرەوە هەنگاوەکانى لە پێناو پێشکەوتن و گەشەسەندن و خۆشگوزەرانى زیاتر بووە بۆ خەڵکى کوردستان و لە هەمانکاتیشدا بەدەستهێنانى پشتیوانى زڵهێزەکان بۆ کورستان ، ئەویش بەڕێگەى دوو پڕ دەستکەوتى ستراتیژى لە ئایندەیەکى نێزیکدا ئەنجامەکەى دەبینرێت