عێراق، لەئێستادا بەخراپترین و مەترسیدارترین دۆخدا تێپەڕ دەبێت، بەجۆرێك ئەمریکا لەپاڵ ئامادەکاری سیاسی و یاسایی لەهەردوو ئاستی ناوخۆیی و نێودەوڵەتی، ئامادەکاری سەربازیشی کردووە لەڕێگەی جێبەجێکردنی پلانی چۆڵکردنی کاتی بنکەی (عەین ئەسەد) کە ئامانجی سەرەکی لێی پاراستنی بەرژەوەندییە باڵاکانی و سەربازەکانیەتی، کە ئەمەش دیسانەوە ئاماژەیە بۆ دەستهەڵگرتنی ئەمریکا لەعێراق و کردنەوەی مەیدانەکەی بەڕووی ئۆپراسیۆنە تایبەت و هێرشە سەربازییەکانی ئیسرائیل
بۆ سەر عێراق.
ئەم هەنگاوانەی ئەمریکا:
ئەم هەنگاوەی ئەمریکا، هاوتەریبە لەگەڵ ناردنی دوو نێردەی تایبەتی سیاسی و سەربازی بۆ عێراق لەجیاتی باڵیۆز، هەروەها کشاندنەوەی نێردەی یۆنامی و هەڵوەشاندنەوەی یاسای ڕێگەپێدانی جەنگ بۆ سەرۆك کۆمار و نزیکبوونەوەی دەرچواندنی یاسای ڕێگەپێدانی هەواڵگیری (IAA)، کە لەچواچێوەی یاسای ڕێگەپێدانی بەرگری نیشتیمانی ئەمریکا بۆ ساڵی ١٩٢٦ دێت.
عێراقییەکان، لەدۆخەکە تێناگەن:
وەك هەمیشە عێراقییەکان بێ تێگەشتن و خوێندنەوەی وردی ئەو هەنگاوە ستراتیژییانەی ئەمریکا دەینێت، دڵخۆشن و کەوتونەتە هەڵا. ئەمە لەکاتێکدایە کۆی ئەو هەنگاوانەی سەرەوە ئاماژەیەکی ڕوونە بۆ کردنەوەی دەرگای دۆزەخ بەڕووی عێراقدا ئەگەر هاتوو ملکەچ نەبن بۆ داواکارییە هەمەجۆرەکانی ئەمریکا و ئیسرائیل.
ئەوانەی لەسەرەوە ئاماژەم پێداون لەگەڵ ئەوانەی پێشتر، بەشێکن لەو پێشهاتانەی کە ماوەیەك بەر لەئێستا ئاماژەم پێدا کە ڕوودەدەن. وە هێشتا پێشهاتی تری نوێ ماوە.
جارێکی تر جەخت دەکەمەوە؛
- ئەمریکا، هەرگیز ناکشێتەوە و ڕۆژهەڵاتی ناوەڕاست چۆڵ ناکات، بەتایبەتر عێراق و سوریا.
- چاوەڕوانی پێشهاتی نوێتر بن، کە لەپاڵ لایەنی سیاسی و ئابووری لایەنی سەربازی و ئەمنیش دەگرێتەخۆی.
- ئەم قۆناغە، قۆناغی زێڕینی کوردە و ئاسۆی گەلەکەمان تا دێت ڕوونتر دەبێت.
تێبینی؛
- شرۆڤەی زیاترم دەبێت.