هەرێم نیوز
دەستەی خانەنشینیی نیشتمانیی عێراق ڕایدەگەیەنێت، ئەمڕۆ دەست بە دابەشکردنی مووچەی مانگی کانوونی دووەمی ساڵی نوێ بۆ خانەنشینانی سەربازی و مەدەنی کراوە.
ئەمڕۆ چوارشەممە 31ی 12ی 2025، دەستەی خانەنشینیی نیشتمانیی عێراق لە ڕاگەیەندراوێکدا بڵاویکردەوە، بە شێوەیەکی پلەبەندی دەست بە دابەشکردنی مووچەی مانگی کانوونی دووەم (مانگی 1)ی ساڵی 2026ی خانەنشینانی سەربازی و مەدەنی کراوە.
دەستەکە داوا لە سەرجەم خانەنشینان دەکات، ئەوانەی کورتەنامەیان پێ دەگات، سەردانی لقەکانی بانک و دەروازەکانی پارەدانی ئەلیکترۆنی لە بەغدا و پارێزگاکان بکەن بە مەبەستی وەرگرتنی مووچەکانیان.