دواین هەواڵ

جیهان‌

 5 کاتژمێر پێش ئێستا

لە ئێران کارەساتێکی گەورە ڕوودەدات

هەرێم نیوز

بەرپرسی ناوەندی فریاکەوتنی تاران ڕایگەیاند کە لە ماوەی هەشت ڕۆژی ڕابردوودا 357 کەس لە تاران بەهۆی پیسبوونی هەوا گیانیان لەدەستداوە.

بەگوێرەی ڕاپۆرتی ئیسنا، محەمەد ئیسماعیل تەوەکولی، بە ئاماژەدان بە زیادبوونی پەیوەندی و ئەرکە فریاگوزاریەکان، ڕۆژی یەکشەممە ڕایگەیاند، لە کۆی کۆی 57 هەزار پەیوەندی کە لەم ماوەیەدا تۆمارکراون، لەسەدا 31 پەیوەندییان بە نەخۆشییەکانی دڵ و هەناسەدانەوە هەبووە کە بەهۆی پیسبوونی هەواوە دروست دەبن.

لەگەڵ زیادبوونی پیسبوونی هەوا لە ئێران، گرووپەکانی کاری بەڕێوەبردنی قەیرانەکان لە پارێزگا جۆربەجۆرەکانی ئەو وڵاتە، گەورەترین شەپۆلی داخستنی قوتابخانە و زانکۆکانیان لە چەند مانگی ڕابردوودا بۆ ڕۆژی هەینی پەسەند کرد.

لە تاران هەموو وانەکان و چالاکییە پەروەردەییەکان لە قوتابخانە و زانکۆکان لە ٢٩ و ٣٠ی کانوونی دووەم بە شێوەی ئۆنلاین بەڕێوە دەچن.

لە هەمان کاتدا ئینستیتیوتی IQAir (دەسەڵاتێکی جیهانی بۆ چاودێریکردنی کوالیتی هەوا) تارانی وەک نۆیەمین شاری پیسبوو لە جیهاندا دەستنیشان کردووە.

عەباس شەحسۆنی، ئەندامی فاکەڵتی لە زانکۆی شەهید بەهەشتی زانستە پزیشکییەکان لە مانگی نۆڤەمبەردا ڕایگەیاند کە ساڵانە زیاتر لە 53 هەزار کەس لە ئێران بەهۆی بەرکەوتن بە پیسبوونی هەوا گیان لەدەست دەدەن؛ ژمارەیەک کە نزیکەی لەسەدا 15ی کۆی گشتی مردنی وڵاتەکە لە ساڵی 2023دا پێکدەهێنێت.



Copyright © 2020 All Rights Reserved Designed And Developed By AVESTA GROUP