هەرێم نیوز
وەزیرانی درەوەری ئێران و تورکیا کۆبوونەوە و ڕایانگەیاند: ئەو دوو وڵاتە تەنها دراوسێ نین بەڵکو دۆست و برای یەکترن و چەندین پرسی هاوبەشیان هەیە، باسیان لە پڕۆسەی چارەسەرییش کرد.
هاکان فیدان وەزیری دەرەوەی تورکیا سەردانی ئێرانی کرد و لە تارانی پایتەخت لەگەڵ عەباس عەراقچی هاوتای کۆبوویەوە، لەپاش کۆبوونەوەی نێوانیان هەردوو وەزیر لە کۆنگرەیەکی هاوبەشدا جەختیان لە پتەوی پەیوەندییەکانی نێوانیان کردەوە و وتیان، ئێران و تورکیا تەنها دوو دراوسێ نین بەڵکو دۆست و برای یەکترن و مێژوو و پرسی هاوبەشیان پێکەوە هەیە.
لای خۆیەوە عەباس عەراقچی ڕایگەیاند: سەرگرتنی پرۆسەی چارەسەریی لە تورکیا بۆ تارانیش گرنگە، لەگەڵ ئەوەشدا پێشوازی لە پڕۆسەی چەکلەناوبردنی پارتی کرێکارانی کوردستان-پەکەکە دەکەن.
ئاماژەی بەوەشکرد لە داهاتوودا کۆنسوڵخانەی گشتیی ئێران لە وان دەکەنەوە.
هاکان فیدانیش لە میانی قسەکردنیدا وتی، پێویستە سزا سەپێنراوەکانی سەر ئێران هەڵبگیرێن و تورکیاش هەمیشە لەپاڵ ئێرانە، لە پرسی ئەتۆمییشدا پاڵپشتی تەواوی تاران دەکەن.
لە پرسی کۆچی نایاساییشدا ئاماژەی کرد بەوەی، نێوان ئێران و تورکیا دەبێت هەردوولا هەماهەنگبن چونکە لێکەوتەکانی هاوبەشە، لەبارەی غەززەش وتی هەردوولا هاوهەڵوێستن و لەگەڵ گەلی فەڵەستینن...