هەرێم نیوز

ئەنجومەنی جێبەجێکردنی یەکگرتوو، بە بۆنەی (78) هەمین ساڵیادی دامەزراندنی پارتی دیموكراتی كوردستان پیرۆزبایی لە سەرۆک و مەکتەبی سیاسی پارتی دەکات..

دەقی پەیامەکە:

 بەرێز/ جەنابی كاك مەسعود بارزانی ـ سەرۆكی پارتی دیموكراتی كوردستان
بەرێزان مەكتەبی سیاسی و سەركردایەتی 
بابەت / بروسكەی پیرۆزبایی

 ڕێز و سڵاوی برایانە ...

 بە بۆنەی (78) هەمین ساڵیادی دامەزراندنی پارتی دیموكراتی كوردستان جوانترین پیرۆزبایی لە جەنابتان و مەكتەبی سیاسی و سەركردایەتی و ئەندامان و لایەنگرانتان دەكەین ..

 ئەم بۆنەیە لە كاتێكدایە هەرێم  لە بەردەم هەڵبژاردنی پەرلەمانی كوردستاندایە، هیوادارین زەمینەی هەڵبژاردنێكی پاكو بێگەرد سازبكرێت و ئەنجامەكانی هەڵبژاردن ببێتە مایەی گۆرانكاری ئیجابی و گێرانەوەی تەبایی و پەیوەندی تەندروستی نێوان لایەنە سیاسیەكان و سەقامگیری كۆمەڵایەتی قۆناغێكی نوێ ی دەسەڵاتداریەتی و بەرێوەبردنی كوردستان بێنێتە ئاراوە بە جۆرێك هاوڵاتیان چیتر بەدەست دابینكردنی خزمەتگوزارییە سەرەتاییەكان و موچە و بژێوی ژیاندا نەناڵێنن. 

 هەر لەم بۆنەیەدا جەختدەكەینەوە لەسەر بەرزبوونەوە بۆ ئاستی بەرپرسیاریەتی لە روبەروبونەوەی ئاڵەنگاری و مەترسیەكانی سەر قەوارەی هەرێم و چارەسەركردنی كێشە و قەیرانەكان و پابەندی بە پاراستنی شوناسی ئایینی و بەهاباڵاكانی گەلەكەمان ..

 دووبارە پیرۆزبێت ...

ئەنجومەنی جێبەجێكردنی
یەكگرتووی ئیسلامی كوردستان
15/8/2024