هەرێم نیوز

بڕیارە کەمێکی دیکە پەرلەمانی عێراق کۆببێتەوە و دەنگ بە کابینەی نوێی حکومەتی عێراق بە سەرۆکایەتی محەمەد شیاع سودانی بدات. هاوکات، ناوی کاندیدانی پۆستە وەزارییەکان بڵاوکرایەوە.

بەگوێرەی لیستی ناوی کاندیدی پۆستە وەزارییەکان، کاندیدی پۆستە سیادییەکان بەم شێوەیە دەستنیشانکراون:

یەکەم: فوئاد حسێن لە پشکی پارتی بۆ جێگری سەرۆک وەزیران و وەزیری دەرەوە دەستنیشانکراوە.

دووەم: حەیان عەبدولغەنی عەبدولزهرە دەبێتە جێگری سەرۆک وەزیران و وەزیری نەوت.

سێیەم: محەمەد عەلی تەمیمیش دەبێتە جێگری سەرۆک وەزیران و وەزیری پلاندانان.

چوارەم: تەیف سامی محەمەد بۆ وەزیری دارایی.

پێنجەم: سابت محەمەد سەعید رەزا بۆ وەزیری بەرگری.

شەشەم: فەریق روکنی یەکەم عەبدولئەمیر کاملیش بۆ وەزیری ناوخۆ.

حەوتەم: دکتۆر ساڵح مەهدی موتەلب بۆ وەزیری تەندروستی.

هەشتەم: ئیڤان فایەق یەعقوب بۆ وەزیری کۆچ و کۆچبەران.

نۆیەم: رەزاق محێبس عجێمی بۆ وەزیری گواستنەوە.

دەیەم: عەون زیاب عەبدوڵا بۆ وەزیری سەرچاوەکانی ئاو.

یازدەیەم: ئەحمەد جاسم سابر بۆ وەزیری کار و کاروباری کۆمەڵایەتی

دوازدەیەم: ئەحمەد محەمەد حوسێن بۆ وەزیری وەرزش و لاوان.

سیازدەیەم: ئیبراهیم نامس یاسین بۆ وەزیری پەروەردە.

چواردەیەم: ئەسیر داود سلێمان بۆ وەزیری بازرگانی.

پازدەیەم: خالید شوانی بۆ وەزیری داد.

شانزدەیەم: زیاد عەلی فازڵ بۆ وەزیری کارەبا

حەڤدەیەم: هیام عەبود کازم بۆ وەزیری گەیاندن.

هەژدەیەم: حەباس جەبر عەبادە بۆ وەزیری کشتوکاڵ.

نۆزدەیەم: نعیم عەبد یاسر بۆ وەزیری خوێندنی باڵا.

بیستەم: خالد بەتال نجم بۆ وەزیری پیشەسازی.

بیست و یەکەم: ئەحمەد فکاک ئەحمەد بۆ وەزیری رۆشنبیری و گەشتوگوزار.

هاوکات، هەرچەندە باس لەوە دەکرێت بەنگین رێکانی لە پشکی پارتی دەبێتە وەزیری ئاوەدانکردنەوە و ڤیان سەبریش کە ئێستا سەرۆکی فراکسیۆنی پارتییە لە بەغدا، دەبێتە وەزیری ژینگە، بەڵام ئەو دوو ناوە لەناو لیستی کاندیدی پۆستە وەزارییەکاندا نین.