هەرێم نیوز 

لیژنەی باڵای ئەزموونە گشتییەکانی سەر بە وەزارەتی پەروەردەی هەرێمی كوردستان  ناو شوێنی تاقیكردنەوەكانی  خوێندكارانی پۆلی 12ی ئامادەیی بڵاوکردوە و رایگەیاندوە کە خوێندكاران  دەتوانن لەڕێگەی لینکێكی تایبەتەوە  ناو و هۆڵی ئەزموونی خۆیان بناسن و بزانن لە چ قوتابخانە و خوێندنگە و زانکۆیەک تاقیکردنەوە دەکەن. 

ئەمرۆ هەینی لیژنەی باڵای ئەزموونە گشتییەکانی پۆلی12ی ئامادەیی لەراگەیەندراوێكدا بڵاویكردەوە،" هەموو ئەو خوێندکارانەی کە مافی بەشداربوونیان بەدەستهێناوە لە تاقیکردنەوە گشتییەکانی پۆلی 12ی ئامادەیی بۆ ساڵی خوێندنی 2021- 2022 خولی یەکەم "بەهەموو بەشەکانییەوە"  دەتوانن لەڕێگەی ئەم لینکەوە ناو و هۆڵی ئەزموونی خۆیان بناسن و بزانن لە چ قوتابخانە و خوێندنگە و زانکۆیەک تاقیکردنەوە ئەنجام دەدەن.
https://drive.google.com/drive/folders/1GDf-NHHfSSdpKGx57MEjWQ1bcDOrYuhh
راشیگەیاندوە، کە پێویستە قوتابییان دڵنیاببنەوە لە ناوی چواری و زمانی خوێندنیان و دروستی کۆدی ئەزموونەکانیان و تەواوی داتا ئاماژەپێکراوەکان.

ئەوەشهاتوە، پرسیارەکان بەگوێرەی ئایین و زمانی خوێندنی قوتابییان دیاریکراوە .

ئاماژەی بەوەشكردوە، "لەکاتی بوونی هەر هەڵەیەک تاوەکو 21-6-2022 پێویستە سەردانی قوتابخانە و پەروەردەی قەزای خۆیان بکەن بۆ راستکردنەوەی هەر هەڵەیەک ئەگەر هەبێت.

لیژنەی باڵای ئەزموونە گشتییەکانی پۆلی 12ی ئامادەیی دەشڵێت، لیژنەی باڵای ئەزموونە گشتییەکان بەرپرسیار نابێت لەبوونی هەر هەڵەیەک لەدوای 21-6-2022 ئاماژەپێکراو.