هەرێم نیوز
بەڕێوەبەرایەتی كەشناسی و
بومەلەرزەزانی هەرێمی كوردستان پێشبینی كەشوهەوای رۆژانی شەممەو یەكشەممەی
بڵاوكردەوە.
بەپێی راگەیەنراوەكەی كەشناسی، لەپارێزگاكانی هەولێر، كەركوك،
سلێمانی و هەڵەبجە، بۆ ئەمڕۆ و سبەینێ یەكشەممە ئاسمان ساماڵ دەبێت لەگەڵ
دروستبونی تۆزێكی سوك و خێرایی با لەنێوان 10 بۆ 20 كیلۆمەتر لە كاتژمێرێكدا
دەبێت، تەنها لە پارێزگای هەولێر لە پاشنیوەڕۆی رۆژی یەكشەممەوە ئاسمان دەگۆڕێت بۆ
نیمچەكە هەور.
لە پێشبینیەكەی كەشناسی و بومەلەرزەزانی هەرێمی
كوردستاندا سەبارەت بە پارێزگای دهۆك بڵاویكردووەتەوە كە ئاسمان ساماڵ دەبێت لەگەڵ
پەیدابونی هەندێك هەور و رۆژی یەكشەممە لەپاش نیوەڕۆوە دەگۆڕێت بۆ هەورو هەوری
تەواو، خێرایی با لەنێوان 10 بۆ 20 كیلۆمەتر لە كاتژمێرێكدا دەبێت، لەسەرجەم
پارێزگاكانیش مەودای بینین لەنێوان 6 بۆ 10 كیلۆمەتردا دەبێت.
لەلایەكی ترەوە بەپێی
پێشبینیەكانی دەستەی كەشناسی عیراق، لە شەوی دووشەممەوە خۆڵبارینی چڕ عیراق و
هەرێمی كوردستان دەگرێتەوەو پلەكانی گەرماش دادەبەزن.