هەرێم نیوز
قوباد تاڵە‌بانی، به‌مه‌به‌ستی بە‌شداریكردن لە حە‌وتە‌مین دیداری ئابوری دێلفی بە‌رە‌و وڵاتی یۆنان بە‌ڕێكە‌وت.
سە‌میر ھە‌ورامی، وتە‌بێژی جێگری سەرۆكی ئە‌نجومە‌نی وە‌زیران رایگە‌یاند، " ئە‌مڕۆ چوارشەممە، قوباد تاڵە‌بانی و شاندێكی یاوە‌ری بە‌رە‌و یۆنان بە‌ڕێكە‌وتن بە‌مە‌بە‌ستی بە‌شداریكردن لە حە‌وتە‌مین دیداری ئابوری دێلفی لە وڵاتی یۆنان بەڕێوەدەچێت .
وتیشی، بڕیارە جێگری سە‌رۆك وە‌زیران وتارێك پێشكە‌ش بكات لە‌و دیدارە‌دا.
ئاماژەی بەوەشكرد، سەرۆكی دیوانی سە‌رۆكایە‌تی ئە‌نجومە‌نی وە‌زیران و سەرۆكی دە‌ستە‌ی گە‌شتوگوزار و جێگری سەرۆكی فە‌رمانگە‌ی پە‌یوە‌ندییە‌كانی دە‌رە‌وە یاوە‌ری قوباد تاڵە‌بانی دەكەن لە‌م سەردانەدا.
حه‌وته‌مین دیداری ئابووری دێلفی، له رۆژانی 6 تا 9ی نیسانی2022 ده‌به‌سترێت. بابه‌ته سه‌ره‌كییه‌كانی دیداره‌‌كه: ئاسایشی نێوده‌وڵه‌تی، ئابوری جیھانی و رێگاكانی پێشخستنی، گۆڕانی كه‌شوھه‌وا، یه‌كێتی ئه‌وروپا: داھاتووی یه‌كێتیه‌كه، گۆڕانه ته‌كنه‌لۆجیه‌كان و گۆڕانكارییه ئابوورییه‌كان و كۆمه‌ڵگا.