برنی گەدە یەکێکەلە باوترین نەخۆشیەکانی کۆئەندامی هەرس و جگەر.. ▪︎ هۆکارەکان زۆرن بڵام باوترینیان؛

١- بەکارهێنانی دەرمانی ئازار شکێن لە گروپی دەرمانە دژە هەوکردنەکانی ناستیرۆیدی(NSAID) وەک پرۆفی ، ڤۆڵتارین، ناپرۆکسین...هتد

۲- بەکتریای گەدە.. ناسراو بە هیلیکۆباکتەر پایلوری.

۳-بەکارهێنانی دەرمانی خوێن شلکردنەوە بە؟تایبەت ئەگەر لگەڵ دەرمانی ئازارشکێن بەکاربێنرێت.وەک ئەسپیرین، وارفارین، یان دەرمانە ستیرۆئیدیەکان... هتد

٤- شێرپەنجەی گەدە. زۆر هۆکاریتر

▪︎کێن ئەوانەی ئەگەری تووشبوونیان بە برینی گەدە زیاترە لە کەسانی ئاسایی:

جگەر کێشان، خواڕدنەوە کحولیەکان، سترێس و قەلەقی درێژخایەن، خواردنە تفت وتیژەکان.. هتد

▪︎تێبینی... سترێس و جۆری خواردنڕاستەوخۆ نابنەهۆکار بو دروست بوونی برینی گەدە بە بوونی هۆکارە ڕاستەوخۆکانی لە سەرەوە باسکران..

▪︎نیشانەکان؛ کەم خۆراکی، ئازاری گەدە ، هێڵنج و ڕشانەوە، ڕەش بوونی پیسایی، دابەزینی کێش ...هتد

▪︎دەستنیشان کردن؛ لە ڕێگەی پێبینی گەدەوە دەکرێت دڵنیا بیتەوە لە بوونی برین لە ناوپۆشی گەدە و وەرگرتنی سامپڵ بۆ پشکنین بۆ زانینی هۆکارەکەی وەک بەکتریای گەدە و تێکچوونی خانەیی لە شێرپەنجەی گەدە..

▪︎چارەسەر؛

١- بەرەنگار بوونەوەی هۆکارەکانی تووش بوون بە برینی گەدە وەکباسیان لێوە کرا.

٢- بەکارهێنانی دەرمانی کەمکردنەوەی ترشی گەدە و چەندجۆرێکی تری دەرمان بەپێی هۆکارەکان وەک دەرمانی دژ بەکتریای گەدە.

٣- چارەسەر لەڕێگەی پێبینی گەدە( نازوور).. لە کاتی ڕودانی خوێنبەر بوونی گەدە.

٤- نەشتەرگەری لە کاتی تووشبوونبە ماکەکانی برینی گەدە وەک؛ کون بوونی گەدە، گیرانی ڕێڕەوی خۆراک بە هۆی برینی گەدە، شێرپەنجەی گەدە..هتد

▪︎ تێبینی.. هەموو نەخۆشێکی تووشبوو دەبێت پێبینی گەدە دووبارە بکاتەوەدوای ٨ هەفتە لە وەرگرتی چارەسەر بۆ دڵنیا بوون لە چاکبوونەوەی برینەکەی بە تایبەت ئەوانەی کە سامپڵ لەبرینەکەیان وەرنەگیراوە لەکاتی دەستنیشانکردن بە هۆی مەترسی خوێن بەربوون، یان هەر هۆیەکی تر .

بەهیوای سوود گەیاندن.

▪︎دکتۆر محمد عمر لەک.. بۆرد ( دکتۆرا) لە پسپۆری هەناوی و سینگ و دڵ قوتابی بۆرد (دکتۆرا) لە پسپۆڕی وردی نەخۆشیەکانی کۆئەندامی هەرس و جگەر و پێبینی گەدە و قۆڵۆن و ڕێڕەوی زەرداو و پەنکریاس ..