دواین هەواڵ

جیهان‌

 19/05/2021

ئەو دایک و باوکەی‌ کوڕەکەیان کوشت، پێشتر كچ و زاواكه‌شیان كوشتوه‌

  1. هه‌رێم نیوز
    دوا بەدوای بڵاوبونەوەی ھەواڵی کوژران و شێواندنی جەستەی سینەماکار و دەرھێنەر (بابەک خورەمدین) ی تەمەن 47 ساڵە لەلایەن دایک و باوکە پیرەکەیەوە، ئەمڕۆ ئەو دایک و باوکە لە نوێترین دانپێدانیاندا دانیان بەوه‌شداوه‌ ناوه‌ کچ و زاواکه‌شیان كوشتوه‌.

    سەرەتای ساڵی 2011 ئه‌و دایك و باوكه‌ ھەستاون بە کوشتنی زاواکەیان و دوای تێپەرینی حەوت ساڵیش لەساڵی 2018 دا ھەستاون بە كوشتنی كچه‌كه‌شیان.

    ھاوشێوەی جەستەی (بابه‌ك) جەستەی کچ و زاواکەشیان بەھەمان شێوە پارچە پارچە کردوە بۆ ئەوەی بە ئاسانی بشاردرێنەوە و نەدۆزرێنەوە و ھەر یەکێکیشیان لە جێیەکدا فڕێداوە.

    هۆكاری كوشتنی كچ و زاواكه‌شیان بۆئه‌وه‌ گێڕاوه‌ته‌وه‌ كه‌ ئالوده‌ی‌ تلیاك بون.

    ھەر لەدرێژەی لێکۆڵینەوە و دانپێدانانەکاندا ئەو پیرەمێردە 81 ساڵە دانی بەوەداناوە کە لەڕابوردودا ھەستاوە بە لاقەکردنی یەکێک لە کچەکانی بەناوی ئارەزو کە ئەوکات کچەکەی 8 ساڵان بوە و ژنەکەشی لەو ڕوداوە یئاگاداربوە.

    له‌ لێكۆڵینه‌وه‌كاندا دایك و باوكه‌كه‌ دانیان به‌وه‌دا ناوه‌ په‌شیمان نین له‌ تاوانه‌كان كه‌ ئه‌نجامیان داوه‌و ئه‌گه‌ر بچنه‌ ده‌ره‌وه‌ ئه‌و كچه‌یان كه‌ ماویانه‌ به‌ناوی‌ ئاره‌زو ئه‌ویش ده‌كوژن.


    بەگوێرەی ڕاپۆرتی پزیشکی دەرونی‌، سەلمێندراوە ئەم ژن و مێردە ھیچ  گرفتێکی دەرونیان نییە و وەک ھەر مرۆڤێکی ئاسایی لەڕوی دەرونیەوە سەلامەتن.

    ئاماده‌كردنی: روخسار کەریم



هەواڵی پەیوەندیدار

هەواڵی زیاتر

زۆرترین بینراو


Copyright © 2020 All Rights Reserved Designed And Developed By AVESTA GROUP