تارماییەکانی مەکگۆرک

‌د.سەردار عەزیز

17/07/2021

مەکگۆرک هات، مەکگۆرک نەهات. ئەم چاوەڕوانییە، چەندین ڕەهەندی کەلتوری و دەرونی هەیە کە پەیوەندی کورد بە خۆیی و زلهێزەکانەوە دیاریدەکات. مەکگۆرک لە کاتێکدا دێت، کە ماڵی کوردی لە ئەوپەڕی شپرزیدایە. بەڵام ئەم هاتنە تەنها هیوایەکە، کە بە تراویلکە تەواو دەبێت.

مەکگۆرک تارماییە، هەیە و نیە. ئەم تارماییە ئەو هێزە گەورەیەیە کە کورد چاوەڕێی دەکات، پێویستی پێیەتی، هەتا هەڕەشەی لێبکات، فشاری لێبکات، جەستەی برینداری سارێژبکات. مەکگۆرک بێت یان نا، هەمیشە لێرەیە، ئەو تەنها یەکێکە لە ڕوخسارە زۆرەکانی ئەو تارماییە. جاران قاسم سلێمانیش بو، ئێستا کەسانی تریشە.

کاتێک کورد حەز دەکات کە تارمایی زلهێزێک بێت بۆ ناو ماڵی شپرزی، دەرخەری گرێی خۆم بە کەمزانین و خۆ بە گەورەزانە لە هەمانکاتدا.

زلهێزەکان گرنگی بە ئێمە دەدەن. ئێمە جێگای بایەخی زلهێزەکانین. ئێمە گەورەین بۆیە زلهێزێک بایەخمان پێدەدات. ئێمەی بچوک نوێنەری گەورەترین هێز کێشە بچکۆلەکانمان چارەسەر دەکات.

ئەمە کرۆکی خودێکی کۆلۆنیاڵکراوە. خودێک کە لە هەمو گوناهێکیدا بە دوای هێزێکی گەورەدا دەگەڕێت بۆ هۆکار، لە سەرهەڵدانی هەمو قەیرانێکە چاوەڕیی زلهێزێکە بێتە ناو ماڵی و چارەسەری بکات.

ئەم سفربونی خودە مانای ترسە لە بون، لە بەرپرسیارێتی، لە لێپرسینەوە. ئێمە کە دێینە ناو دونیاوە بە شوێنپێی کێدا دەڕۆین، ناچار دەکرێین بە شوێنپێی کێدا بڕۆین، حەز دەکەین بەشوێن پێی کێدا بڕۆین؟؟؟

مەکگۆرک کە نایەت هەر لێرەیە، چونکە ئەو تارماییە. کە دێت ئەو لێرە نیە، چونکە ئێمە وەک تارمایی و بان-مرۆڤ دەیبینین.

چەند گوناهین ئێمە کە دەستبازی و دڵداری لەگەڵ تارماییەکاندا دەکەین

وتارەکانی نوسەر

دواتر 1 2 3 4 5 6 7 8 9 10 11 12 ... پێشتر

دواین هەواڵ

تارماییەکانی مەکگۆرک

‌د.سەردار عەزیز

وتارەکانی نوسەر

ئێران و ئەمریکا: جارێکی تر

تورکیا: تێگەیشتنی قوڵ

دونیا بەرەو کوێ؟ ڕێکەوتنامەی مارا لاگۆ

ڕێککەوتنی مەزڵوم و شەرع: سەرنجی سەرەتایی

نوێترین

ماڵی شیعی لە بەردەم هەڵبژاردن و بارگۆڕانە هەرێمایەتییەكانی ناوچەكەدا

سیاسەت بەرە و نزمی

چارەسەرنەكردنی پرسی كورد و قەیرانی دارایی لە توركیا؟

زۆرترین بینراو

1

1 رۆژ پێش ئێستاكۆمسیۆنی هەڵبژاردنەكانی عێراق هەڵوەشانەوەی سێ حیزبی ڕاگەیاند

2

5 رۆژ پێش ئێستائەوروپا ناوی هەشت وڵات وەك شوێنی سەقامگیر لەقەڵەم دەدات و پێدانی مافی پەنابەرێتی لەسەریان سەخت دەکات

3

4 رۆژ پێش ئێستالە هێرشێکی ئەمریکا بۆ سەر حوسییەکان 38 کەس کوژران

4

5 رۆژ پێش ئێستانووسینگەی نەتانیاهۆ: سەرۆکوەزیران چەندین هەنگاوی ئاشکرا و شاراوەی لە دژی بەرنامە ئەتۆمییەکەی ئێران ئەنجامداوە

5

2 رۆژ پێش ئێستاکونسوڵخانەی ئەمریکا لە هەولێر هاوڵاتییان ئاگادار دەکاتەوە

6

23 کاتژمێر پێش ئێستاژمارەیەک تیرۆرست دەستگیرکران