هەرێم نیوز

هێزە دەریاییەکانی ئەمریکا لە دەریای عەرەب دەستیان بەسەر کەشتیی "توسکا" (M/V Touska)ـی هەڵگری ئاڵای ئێراندا گرت، دوای ئەوەی کەشتییەکە هەوڵیدابوو گەمارۆ دەریاییەکانی سەر وڵاتەکەی بشکێنێت.

ئەمڕۆ سێشەممە، ٢١ـی نیسانی ٢٠٢٦، هێزەکانی مارێنزی ئەمریکا لە ئۆپەراسیۆنێکی کتوپڕدا چوونە سەر پشتی کەشتییەکە و دەستیان بەسەردا گرت.

لە ئێستادا هێزە ئەمریکییەکان خەریکی پشکنینی وردی ئەو کانتینەرانەن کە کەشتییەکە هەڵییگرتووە، بە مەبەستی دڵنیابوونەوە لە ناوەڕۆکی بارەکان و ڕێگریکردن لە گواستنەوەی هەر کەرەستەیەکی قەدەغەکراو.

ئەم پەرەسەندنە توندە تەنها چەند کاتژمێرێک دوای لێدوانەکەی دۆناڵد ترەمپ دێت سەبارەت بە ئەگەری ڕێککەوتنی "ئەمشەو"، ئەمەش نیشانەی ئەوەیە کە واشنتن هاوشانی دیپلۆماسییەت، فشارە سەربازییەکانی بۆ سەر تاران لە بەرزترین ئاستدا هێشتووەتەوە.