هەرێم نیوز
ئەنجومەنی سیاسی نیشتمانی سوننەكان بەردەوامە لە جموجۆڵە چڕەکانی بۆ هەڵبژاردنی کاندیدەکەی بۆ سەرۆکی پەرلەمان، لە هەنگاوێکدا بە ئامانجی زامنكردنی ئامادەبونێكی هاوسەنگ لە یەکەم دانیشتنی پەرلەمان و هەڵبژاردنی کاندیدێک کە لە ناو لایەنە سیاسییەکانی دیکەدا قبوڵکردنێكی فراوانی هەبێت.
عەمار عەزاوی، ئەندامی هاوپەیمانی سیادە بە رۆژنامەی (الصباح)ی وتووە: ئەنجومەنەكە مەرجەعی سەرەكی هێزە سونیەکانەو هەڵبژاردنی کاندیدەکە لەسەر بنەمای دیدێکی ستراتیژی و سازان دەبێت بۆ گەرەنتیکردنی نوێنەرایەتیی باشترو بەشدارییەكی کاریگەر لە وێناكردنی ئەولەویەتەکانی پەرلەمان.
حسێن ئەسەد، شرۆڤەکاری سیاسی پێیوایە هەڵبژاردنەکانی ئەم دواییە ئەزمونی کەڵەکەبوی بۆ بلۆکە سیاسییەکان لە مامەڵەکردن لەگەڵ ئەنجامەکاندا دابین کردوە، ئەوەش وایکردوە هەندێک لایەن لە چوارچێوەیەکی هەماهەنگیدا ستراتیژییەکانیان ڕێکبخەنەوە و کاریگەریی ڕاستەوخۆ لە هەڵبژاردنی سەرۆک وەزیران و سەرۆکی پەرلەمان مسۆگەر بکەن.
هه‌روه‌ها توێژەر مەحمود ئەلحەیانی ئاماژە بە دانوستانە بەردەوامەکانی نێوان بلۆکە سوننەکان دەکات، بە چالاکیەکی بەرچاو لە لایەن محەمەد حەلبوسی، سەرۆکی هاوپه‌یمانی ته‌قه‌دوم، بە ئامانجی پێکهێنانی بلۆکێکی یەکگرتو بۆ بەهێزکردنی پێگەی سیاسی خۆی و دەستەبەرکردنی ئەولەویەتێکی ڕون لە سەرکردایەتیکردنی پەرلەمان.
ئەمەش لە کاتێکدایە، 11ی ئه‌م مانگه هه‌ڵبژاردنی په‌رله‌مانی عێراق به‌ڕێوه‌چو، كه تیایدا هاوپه‌یمانی ته‌قه‌دوم به سه‌رۆكایه‌تی محه‌مه‌د حه‌لبوسی توانی 27 كورسی به‌ده‌ستبهێنێت، هه‌روه‌ها هاوپه‌یمانی عه‌زم 16 كورسی به‌ده‌ستهێناوه و هاوپه‌یمانی سیاده‌ش 9 كروسی به‌ده‌ستهێناوه.