سەرەکی
کوردستان
عێراق
جیهان
ڕاپۆرت و چاوپێکەوتن
بیروڕا
ئابوری
کۆمەڵایەتی
وەرزش
هەمەڕنگ
تەندروستی
کلتور
گەلەری
ڤیدیۆ
دواین هەواڵ
ڕاپۆرت و چاوپێکەوتن
12/10/2021
میدیاكانی ئێران ده‌رباره‌ی پاشه‌كشه‌ی گروپه‌كانی سه‌ر به تاران چی ده‌ڵێن
هه‌رێم نیوز
رۆژنامه‌و میدیاكانی ئێران سه‌باره‌ت به پاشه‌كشه‌ی ئه‌و گروپ و هێزانه‌ی له‌ژێر هه‌ژمونی تاراندان له هه‌ڵبژاردنی 10-10، ره‌خنه له سیاسه‌تی به‌رپرسانی وڵاته‌كه‌یان ده‌گرن و ئاماژه به‌وه ده‌ده‌ن كه ئێران نه‌یتوانیوه روی خۆی جوان بكات له ناوچه‌كه.
رۆژنامه‌ی ئیعتیماد، له سه‌روتاری خۆیدا نوسیویه‌تی، به ده‌ستهێنانی 73 كورسی له‌لایه‌ن ره‌وتی سه‌دره‌وه، هۆكاره‌كه‌ی ئه‌وه‌یه زۆرێك له عێراقییه‌كان به گشتی و شیعه‌كان به‌تایبه‌ت بایكۆتی هه‌ڵبژاردنیان كرد.
له‌لایه‌ن خۆشیه‌وه محه‌مه‌د عه‌لی به‌سیری، شرۆڤه‌كار له رۆژنامه‌ی ئارمان ملی بابه‌تێكی نوسیوه‌و پرسیویه‌تی داخۆ عێراق له ئێران دورده‌كه‌وێته‌وه؟ بڕوای خۆشی نیشانداوه كه دوركه‌وتنه‌وه‌كه به كردار رویداوه، هۆكاری ئه‌وه‌شی بۆ فشاری ئه‌مه‌ریكا له‌سه‌ر ئێران و ئه‌و سزایانه گێڕاوه‌ته‌وه كه به‌سه‌ر وڵاته‌كه‌یدا سه‌پێنراون كه جۆرێك له جۆره‌كان په‌یوه‌ندییه‌كانی ئێرانی له‌گه‌ڵ وڵاتانی دراوسێ سنوردار كردوه.
هاوكات به‌سیری باسی له‌وه‌كردوه، كه ئێران سه‌ركه‌وتو نه‌بوه له جوانكردنی وێنه‌ی خۆی لای رای گشتی ناوچه‌كه‌و ركه‌به‌ره‌كانی ئێرانیش توانیویانه ئه‌و بۆشاییه بقۆزنه‌وه‌و كار بكه‌ن له‌سه‌ر بڵاوكردنه‌وه‌ی "ئێرانوفۆبیا" له‌ناو وڵاتانی ناوچه‌كه، ئه‌وه‌ش هۆكاربوه بۆئه‌وه‌ی وڵاتانی هه‌رێمایه‌تی له ئێران دوربكه‌ونه‌وه.
محه‌مه‌د عه‌لی به‌سیری له وتاره‌كه‌یدا ره‌خنه‌ی له حكومه‌تی وڵاته‌كه‌ی گرتوه كه گرنگی به گروپێكی سیاسی داوه له وڵاتانی ناوچه‌كه‌دا، ئه‌وه‌ش هۆكاربوه بۆئه‌وه‌ی ئاراسته‌كانی تر هه‌ڵوێستی دژ به تاران و سیاسه‌ته‌كانی وه‌ربگرن.
رۆژنامه‌ی كه‌یهان-ی سه‌ر به ره‌وتی پارێزكاری ئێران له وتارێكدا هۆكاری پاشه‌كشه‌ی گروپه‌كانی سه‌ر به ئێرانی گێڕاوه‌ته‌وه بۆ كه‌می به‌شداری هاوڵاتیانی عێراقی له پرۆسه‌ی هه‌ڵبژاردن كه ئه‌وه‌ی لێ پێشبینیكراوه گۆڕانكاری له گۆڕه‌پانی سیاسیدا روبدات، به‌ڵام گۆڕانكارییه‌كان ناگه‌نه ئه‌و ئاسته‌ی سه‌ربكێشێ بۆ "عێراقێكی نوێ" له‌گه‌ڵ ئه‌وه‌ی ده‌كرێ ره‌وشێكی نوێ بێنێته ئارا.
له هه‌ڵبژاردنی 2018، كاتێك هاوپه‌یمانی فه‌تح توانی 48 كورسی به‌ده‌ستبێنێت، زۆرێك له گروپه چه‌كداره‌كانی سه‌ر به ئێران تێكه‌ڵ به پرۆسه‌ی سیاسی كران و هه‌ژمونی خۆیان به‌سه‌ر ئه‌نجومه‌نی نوێنه‌ران و حكومه‌تدا ده‌سه‌پاند.
له به‌رامبه‌ر كورتهێنانی كورسییه‌كانی گروپه‌كانی سه‌ر به ئێران، سه‌درییه‌كان كه به ره‌وتێكی شیعه‌ی نیشتمانی ناویان ده‌ركردوه، توانیویانه كورسییه‌كانیان زیاد بكه‌ن بۆ 73 كورسی، ئیئتلافی ده‌وڵه‌تی یاساش به‌سه‌رۆكایه‌تی نوری مالیكی، 37 كورسی به ده‌ستهێناوه، هاوپه‌یمانی محه‌مه‌د حه‌لبوسی، كه كه‌سایه‌تییه‌كی سوننه‌یه، 41 كورسی به‌ده‌ستهێناوه.
هەواڵی پەیوەندیدار
5 رۆژ پێش ئێستا
کابینەى نۆیەم، کابینەى پرۆژە ستراتیژییەکان ئاسایشى خۆراکی هەرێمى کوردستان و تێپەڕاندنی وئاڵنگارییەکانى بەردەمی
5 رۆژ پێش ئێستا
فیدراڵییەک تەنها بەناو...هەڵسەنگاندنى فیدراڵییە شکستخواردووەکەى عێراق
پێش 1 هەفتە
کابینەى نۆیەم، کابینەى پرۆژە ستراتیژییەکان چۆن ئاسایش ئاو لەم کابینەیەدا دابینکرا؟
هەواڵی زیاتر
2 رۆژ پێش ئێستا
حكوومەتی هەرێمی كوردستان بوو بە ئەندام لە یەكێتیی نێودەوڵەتی بۆ پاراستنی سروشت
4 رۆژ پێش ئێستا
مەسرور بارزانی: بەردەوام دەبین لە سەرخستنی پەیامی ئاشتی و بەیەكەوەژیان
5 رۆژ پێش ئێستا
رۆژنامەیەک؛ عێراق ترسی لە فراوانبوونی لیستی سزاکانی ئەمریکا هەیە
زۆرترین بینراو
1
2 رۆژ پێش ئێستا
دەستەی مافی مرۆڤ لەسەر دۆخی تەندروستی هونەر رەشید هاتەدەنگ
2
2 رۆژ پێش ئێستا
ئەنجامی زانکۆلاین ڕادەگەیەندرێت
3
5 رۆژ پێش ئێستا
فیدراڵییەک تەنها بەناو...هەڵسەنگاندنى فیدراڵییە شکستخواردووەکەى عێراق
4
4 رۆژ پێش ئێستا
ناتانیاهو: هەندێک دوژمن بەنیازن هێرش بکەنەوە سەرمان
5
5 رۆژ پێش ئێستا
بارەگای بارزانی لەسەر پارکەکەی هەڵەبجە هاتە دەنگ
6
6 رۆژ پێش ئێستا
سهرۆكى ئه‌نجوومه‌نى دادوه‌رى عێراق: ده‌بێت لایه‌نه‌كان دوور بن له تایفه‌گه‌رى
Copyright © 2020 All Rights Reserved Designed And Developed By AVESTA GROUP