هەرێم نیوز
وەزارەتی ئەوقاف و کاروباری ئایینی هەرێمی
کوردستان رایگەیاند، بەمەبەستی دیاریکردنی یەکەمین رۆژی جەژنی رەمەزانی پیرۆز ئێوارەی
ئەمڕۆ لیژنەی باڵای بینینی مانگ کۆدەبێتەوە. دەشڵێت، " ھیچ کەس و لایەنێک بۆی
نیە لێدوان لەم بارەیەوە بدات".
ئەمڕۆ سێشەممە 11-5-2021 وەزارەتی ئەوقاف و کاروباری ئایینی هەرێمی
کوردستان راگەیەنراوێکی بڵاوکردەوە و تیایدا هاتووە، بەمەبەستی دیاریکردنی یەکەمین
رۆژی جەژنی رەمەزانی پیرۆز، ئێوارەی ئەمرۆ سێشەممە 11ی ئایار لیژنەی باڵای بینینی مانگ بەھەماھەنگی
لەگەڵ لیژنە لاوەکیەکان لەسەرجەم پارێزگاکانی ھەرێمی کوردستان کۆدەبێتەوە.
راشیگەیاند:" لیژنەکان چاودێری بینینی
مانگ دەکەن و بەپێی بەڵگە زانستی و شەرعیەکان بڕیار لەسەر دیاریکردنی یەکەم رۆژی جەژنی
رەمەزان دەدەن .
دەشڵێت، :"دوای راگەیاندنی بریاری فەرمی لێژنەی بینینی مانگ ھیچ
کەس و لایەنێک بۆی نیە لێدوان لەم بارەیەوە بدات".