دواین هەواڵ

عێراق‌

 09/05/2021

كازمی: بودجه‌ی‌ هه‌رێم ده‌نێرین و كێشه‌ى ناوچه‌ جێناكۆكه‌كان له‌گه‌ڵ هه‌رێم چاره‌سه‌ر ده‌كه‌ین

  1. هه‌رێم نیوز
    سه‌رۆكی حكومه‌تی عێراقی ئیتیحادی، مسته‌فا كازمی، له‌ چاوپێكه‌وتنێكی ته‌له‌ڤزیۆنیدا، له‌گه‌ڵ ژماره‌یه‌ك كه‌ناڵی ناوخۆیی عێراق، رایگه‌یاند، په‌یوه‌ندییه‌كانی هه‌ولێر و به‌غدا له‌ سه‌رده‌می زێڕینی خۆیاندان و ته‌ئكید له‌وه‌شده‌كاته‌وه‌ كه‌ به‌منزیكانه‌ چاره‌سه‌ری‌ ناوچه‌ كێشه‌ له‌سه‌ره‌كان ده‌كرێت.

    له‌وباره‌وه‌ كازمی وتویه‌تی: پێویستمان به‌ بنیاتنانی متمانه‌یه‌ له‌ نێوان كورد و عه‌ره‌ب بۆ چاره‌سه‌ركردنی قه‌یرانی ناوچه‌ ناكۆكی له‌سه‌ره‌كان، له‌گه‌ڵ سه‌ركردایه‌تی كوردستان كارمان له‌سه‌ر كردنه‌وه‌ی گرێكوێره‌كانی لێكتێنه‌گه‌یشتن له‌ نێوان هه‌ولێر و به‌غدا كردوه‌.

    ئاشكراشیكردوه‌، له‌ ماوه‌ی ئه‌م هه‌فته‌یه‌دا شاندێكی‌ هه‌رێمه‌ سه‌ردانی به‌غدا ده‌كات بۆ چاره‌سه‌ركردنی كێشه‌ی ناوچه‌ جێناكۆكه‌كان و كێشه‌ی ناوچه‌ جێناكۆكه‌كان له‌ رێگه‌ی پێشنیازێكه‌وه‌ چاره‌سه‌ر ده‌كرێن، كه‌ به‌غدا ده‌یخاته‌ به‌رده‌م هه‌ولێر.

    هاوكات كازمی ته‌ئكیدی‌ له‌وه‌شكردوه‌ته‌وه‌، كه‌ شایسته‌ داراییه‌كانی هه‌رێم به‌م نزیكانه‌ ره‌وانه‌ ده‌كرێن.

    سه‌رۆك وه‌زیرانی‌ عێراق، ئاماژه‌ی‌ به‌وه‌شداوه‌، په‌یوه‌ندی نێوان به‌غدا و هه‌ولێر له‌ سه‌رده‌می زێڕینی خۆیدایه‌. به‌ هۆی ئه‌و متمانه‌یه‌ی له‌ نێوان حكومه‌تی ئیتیحادی و حكومه‌تی هه‌رێمدا هه‌یه‌.

    كازمی له‌ به‌شێكی تری قسه‌كانیدا ته‌ئكیدی له‌وه‌كردوه‌ته‌وه‌، له‌ رێگه‌ی‌ دیالۆگی ستراتیژییه‌وه‌ له‌ هه‌وڵی ئه‌وه‌دان په‌یوه‌ندییه‌كی نوێ له‌گه‌ڵ ئه‌مه‌ریكا دروستبكه‌ن و وتویه‌تی: ده‌ره‌نجامی ئه‌و دیالۆگه‌ ده‌رچونی 60%ی هێزه‌كانی‌ ئه‌مه‌ریكای لێ به‌رهه‌م هات، واشنتن به‌ رونی ده‌ڵێت رۆڵمان له‌ عێراق كۆتایی هاتوه‌.




هەواڵی پەیوەندیدار

هەواڵی زیاتر

زۆرترین بینراو


Copyright © 2020 All Rights Reserved Designed And Developed By AVESTA GROUP