هەرێم نیوز

ڕۆژنامەی "واڵ ستریت جورناڵ" بڵاوی کردەوە، دۆناڵد ترەمپ، سەرۆکی ئەمریکا، لە ئێستادا تاوتوێی ناردنی 10 هەزار سەربازی زەمینی دیکە دەکات بۆ ناوچەی ڕۆژهەڵاتی ناوەڕاست. ئەم هەنگاوە وەک فشارێکی زیادە بۆ سەر ئێران و هێزی زەمینی ئەمریکا لە ناوچەکەدا دەبینرێت.

سەرچاوەکان بە ڕۆژنامەکەیان ڕاگەیاندووە کە ئامانجی ترەمپ لەم کارە ئەوەیە کە "بژاردەی سەربازی زیاتری لەبەردەم بێت، تەنانەت لە کاتێکدا کە بیری لە ئەنجامدانی دانوستانی ئاشتی لەگەڵ تاران کردووە."

 ئەمەش ئاماژەیە بۆ ئەوەی کە واشنتۆن دەیەوێت لە پێگەی بەهێزەوە بچێتە ناو هەر گفتوگۆیەک لەگەڵ ئێران.

بەپێی ڕاپۆرتەکە، پێشبینی دەکرێت ئەم هێزە زەمینییە زیاتر لە پیادە و ئۆتۆمبێلە زرێپۆشەکان پێکبێت.

 ئەم 10 هەزار سەربازە جیاواز دەبن لەو پێنج هەزار هێزی "تفەنگداری دەریایی" (Marines) ئەمریکی کە پێشتر ڕەوانەی ناوچەکە کراون.

 تا ئێستاش ڕوون نییە کە ئەم هێزە نوێیانە لە کام شوێن و بنکە جێگیر دەکرێن.