هەرێم نیوز
بەیانی ئەمڕۆ لە روداوێکی هاتوچوادا چوار کەس لە رێگەی بازنەیی کەرکوک گیانیان لەدەستدا و سێ کەسی دیکەش برینداربون.
ئەمڕۆ شەممە، ئۆتۆمبێلێکی جۆری ئۆپڵ لەسەر ڕێگەی پشتێنەی کەرکووک کۆنترۆڵی لەدەستداوە و خۆی بە ئۆتۆمبێلێکی بارهەڵگردا کە لە قەراغی شەقامەکە وەستاوە.
بە پێی زانیارییەکان چوار کەس لە ڕووداوەکەدا گیانیان لەدەستداوە و چواری دیکەش برینداربوون.
بەپێی وتەی شاهێدحاڵەکان ،بارهەڵگرێک کە لەقەراغ ڕێگاکە وەستاوە و شۆفێرەکەی خەریکی خواردنی نانی بەیانی بووە، ئۆتۆمبێلێکی جۆری ئۆپڵ کەشەش سەرنشین و شۆفێرەکەی تێدابووە، کۆنترۆڵی خۆی لەدەستداوە و خۆی کێشاوە بە بارهەڵگرەکە، بەهۆی ڕووداوەکەوە چوار کەس لەسەرنشینانی ئۆتۆمبێڵی ئۆپڵەکە گیانیان لەدەستداوە و سیانی دیکەش بەسەختی برینداربوونە.
بریندارەکان بەمەبەستی چارەسەرکردنی گواستراونەتوە بۆ نەخۆشخانە و تیمەکانی هاتووچۆی کەرکووک گەیشتوونەتە شوێنی ڕووداوەکە و دەستیان بە لێکۆڵینەوە کردووە.