دواین هەواڵ

وەرزش‌

 پێش 3 هەفتە

کارتی شین لە بری کارتی سەوز بۆ یارییەکانی تۆپی پێ زیاد دەکرێت

هەرێم نیوز

یاسادانەرانی تۆپی پێ لە فیدراسیۆنی نێودەوڵەتی تۆپی پێ بە فەرمی ڕێککەوتن لەسەر تاقیکردنەوەی کارتی شین لە تۆپی پێدا.

کارتی شین کارتێکە کە یاریزانەکە بۆ ماوەی 10 خولەک دەردەکرێت  ئەگەر هەڵەیەکی تاکتیکی ئەنجام بدات یان ناڕەزایەتی دەربڕین بەرامبەر ناوبژیوان.

ڕەنگی کارتی ڕاگرتنی کاتی شینە لەبری ئەو کارتە سەوزەی کە پێشنیار کرابوو.

تا ئێستا بیرۆکەکە لە خولە ئاست بەرزەکان، خولە گەورەکان، یان چامپیۆنزلیگی ئەوروپادا جێبەجێ نەکراوە.

ئامانج لە سەرەتادا بیرۆکەکە لە خولە ئاست نزمەکاندا جێبەجێ  بکرێت بە ئامانجی تاقیکردنەوە و دۆزینەوەی کەموکوڕی بیرۆکەکە و پەرەپێدانی بۆ داهاتوو .

یەکەم پاڵەوانێتی گەورە کە بیرۆکەی کارتی شین تێیدا بە فەرمی جێبەجێ دەکرێت، جامی یەکێتی ئینگلتەرایە لە وەرزی داهاتوودا.

- کارتە شینەکە چۆن کاردەکات؟

• ناڕەزایەتی بەرامبەر بڕیاری نابژیوان یان فاوڵێکی تاکتیکی = کارتی شین

• کارتی شین = ڕاگرتنی یاریزان بۆ 10 خولەک.

• کارتی شین دوو جار = کارتی سوور

• کارتی شین + کارتی زەرد = کارتی سوور



Copyright © 2020 All Rights Reserved Designed And Developed By AVESTA GROUP