دابه‌زینی نه‌وت مانگانه‌ 60-80 ملیۆن دۆلار زیان له‌ هه‌رێم ده‌دات

هه‌رێم نیوز
راوێژکارێکی سەرۆکوەزیرانی هەرێمی کوردستان ده‌ڵێت، دابەزینی نرخی نەوت كاریگه‌ری له‌سه‌ر هەرێمی کوردستان هه‌یه‌و ئەگەر بەمشێوەیە بەردەوام بێت، مانگانە بڕی 60 بۆ 80 ملیۆن دۆلار زیانی پێدەگات.

د.بێوار خنسی، راوێژکاری سەرۆکوەزیرانی هەرێمی کوردستان بۆ کاروباری وزە وتویه‌تی "بەهۆی دابەزینی نرخی نەوت لە هەفتەی رابردووەوە و بەردەوام دابەزینی تاوەکو ئەمڕۆ، داهاتەکانی هەرێمی کوردستان و عێراقیش بە گشتی کەمدەبنەوە، چونکە هەرێمی کوردستان و عێراق وەکو سەرچاوەی سەرەکیی داهاتەکانیان پشت بە نەوت دەبەستن."

ئەو راوێژکارەی سەرۆکوەزیرانی هەرێمی کوردستان دەشڵێت "عێراق بەهۆی دابەزینی نرخی نەوت رۆژانە نزیکەی سەتان ملیۆن دۆلار زیانی پێدەگات کە دەگاتە نزیکەی 400 ملیۆن دۆلار، هەروەها هەرێمی کوردستانیش بەلانیکەمەوە مانگانە لەنێوان 60 بۆ 80 ملیۆن دۆلار زیانی پێدەگات."

بەگوتەی د.بێوار خنسی، هەرێمی کوردستان و عێراق لانیکەم "بۆ هەر بەرمیلێک پێنج دۆلار زیانیان پێدەگات، بۆیە ئابووریی هەردوولا راستەوخۆ بەم دابەزینە کاریگەر دەبێت."

رۆژی یەکشەممە 18ی تەممووزی 2021 هاوپەیمانیی ئۆپیک پڵەس بڕیاری درێژکردنەوەی رێککەوتنی بەرهەمهێنانی نەوتی تاوەکو ساڵی 2022 دا، کاریگەریی راستەوخۆی لەسەر ئەوە هەبو نرخی بەرمیلێک نەوت نزیکەی 10%ی نرخەکەی لە دەستبدات و لە 78 دۆلارەوە بۆ بەرمیلێک نەوتی برێنت بۆ 69 دۆلار دابەزێت.

لەو کۆبونەوەیاندا وڵاتانی نێو هاوپەیمانیی ئۆپێک پڵەس بڕیاریاندا ئاستی بەرهەمهێنان لە 43 ملیۆن و 800 هەزار بەرمیل بۆ 45 ملیۆن و 500 هەزار بەرمیل لە رۆژێکدا زیدبکات تاوەکو ئایاری ساڵی 2022.

دواین هەواڵ

ئابوری‌

دابه‌زینی نه‌وت مانگانه‌ 60-80 ملیۆن دۆلار زیان له‌ هه‌رێم ده‌دات

هەواڵی پەیوەندیدار

لە هەڵەبجە دابەشکردنی نەوت دەست پێدەکاتەوە

16 هەزار پارچە زەویی دیکە دابەش دەكرێت

کەمال محەمەد: تا ئێستا هەرێمی کوردستان زیاتر لە پێنج ملیۆن بەرمیل نەوتی رادەستی سۆمۆ کردووە

هەواڵی زیاتر

مەسرور بارزانی پشتگیریی دارایی بۆ یانەی نەورۆز دابین دەکات

پارتی بۆ خزعەلی: پارتی یەك سەركردایەتی، یەك ڕەئی و یەك بڕیاری هەیە

فازڵ میرانی: بۆ ڕاستكردنەوەی ڕێڕەوی حكومڕانیی عێراق ببنە هاوبەشمان

زۆرترین بینراو

1

4 کاتژمێر پێش ئێستاوتەبێژی حکومەت: هیچ هێزێکی حکومی نەچووەتە سەر کەناڵی ئێن ئاڕ تی

2

9 کاتژمێر پێش ئێستاسوپای ئیسرائیل ئۆتۆمبێلی چینی لە ئەفسەرانی قەدەغە دەکات

3

5 رۆژ پێش ئێستائیسرائیل هێرشەکانی بۆ سەر غەزە دەستپێکردەوە

4

4 رۆژ پێش ئێستائێران بەنهێنی سەرقاڵی چالاکی ئەتۆمییە و ئەمریکا و ئیسرائیل بەگومانن

5

6 رۆژ پێش ئێستاپۆلیسی سلێمانی: سزای لەسێدارەدان بۆ بكوژانی شەهید ڕزگار ئەحمەد حەسەن دەركرا

6

3 رۆژ پێش ئێستادیداری ئەردۆغان و شاندی دەم پارتی؛ ئایا پڕۆسەی ئاشتی زیندوو دەبێتەوە؟