ئەمڕۆ نرخی نەوتی برنت گەشتە 119.4 دۆلار لەکاتێکدا بانکی جی ئەپی مۆرگان پێشبینی کردبوو نرخی نەوت لەنێوان 104 بۆ 114 دۆلاربێت بەڵام سێ هۆکار وایکرد کەبەخێرای نرخی نەوت بەرزبێتەوە کەئەمانەن :
یەکەم ـ مەترسی سەپاندنی گەمارۆ نەوتی و گازیەکانی ئەوروپا لەسەر ڕووسیا کە تائێستا لەکۆی ٢٧ وڵاتی ئەوروپی ٢٦ یان ڕازی بوون و ئەمەترسی کەمبوونەوەی خستنەڕووی نەوتی ڕووسی دروست کردوەو خواست زیادی کردوە.
دووەم ـ دابەزینی ئاستی کۆگانی نەوتی ئەمریکا بەهۆی بەکارهێنانییەوە.
سێیەم ـ سوکردن ولابردنی کۆتوبەندەکانی کۆرۆنا ڤایرۆس لە وڵاتی چین زیادبوونی خواست لەسەر نەوت.
بەگوێرەی رای شارەزایانی بواری وزەش هاوینی ئەمساڵ نرخی نەوت ئاستی پێوانەی تۆمار دەكا و نرخی هەربەرمیلێك نەوت دەگاتە 130 بۆ 140 دۆلار.
تایبەت بەهەرێمی کوردستان:
ئاشکرایە بەبەرزبوونەوەی نرخی نەوت لەجیهان کاریگەری ئەرێنی لەسەرهەرێم دەبێت و داهات زیاد دەکات .
هیوادارم حکومەت بەوداهاتە زیادە پلانی بەهێزی هەبێت بۆهەموو سێکتەرەکان وبەتایبەت سێکتەری کشتوکاڵ و فریای وشکەساڵی بکەوێت بەدروست کردنی ژمارەیەک بەنداو لەکوردستان بەگشتی و لەگەرمیان و دەربەندیخان وقەرەداغ بەتایبەتی چونکە بێ ئاوی نزیکیان دەکاتەوە لەهێڵی سوری چۆڵ بوون لەداهاتوو.